Hindu Temple: అబుదాబిలో అతిపెద్ద హిందూ ఆలయం

అబుదాబి ఆలయంలో గంగా, యమునా నదీ ప్రవాహం..

Hindu Temple: అబుదాబిలో అతిపెద్ద హిందూ ఆలయం
X

న్యూస్ లైన్ , స్పెషల్ డెస్క్ :యునైటెడ్ అరబ్ ఎమిరేట్స్ (UAE)లో నిర్మించిన అతిపెద్ద హిందూ ఆలయం ప్రారంభోత్సవానికి సిద్ధం అయింది. ఫిబ్రవరి 14న ఈ మందిర ప్రారంభోత్సవానికి విశిష్ట అతిథిగా ప్రధానమంత్రి నరేంద్ర మోడీ హాజరవుతున్నారు. విగ్రహాల ప్రతిష్టాపన మహోత్సవంలో పాల్గొననున్నారు. దాదాపు 27 ఎకరాల విస్తీర్ణంలో భారతీయ శిల్పకళా సౌందర్యం, హిందూ ధర్మం ఉట్టిపడేలా బాప్స్ స్వామినారాయణ్ (BAPS Swaminarayan) సంస్థ దీన్ని నిర్మించింది.

అసాధ్యమనుకున్నది వాస్తవరూపం దాల్చింది. ఒకప్పుడు హిందూ దేవుల పేర్లే పలకడానికి కూడా ఇష్టపడని దేశంలో అతిపెద్ద ఆలయం నిర్మితమైంది. అంతేకాదు.. కృత్రిమంగా గంగా, యమునా నదీ ప్రవాహాన్ని మరిపించేలా ఏర్పాటు చేశారు. దీన్ని మైమరింపేలా ఫోకస్ లైట్లను ఏర్పాటు చేశారు. ఇవన్నీ ఈ దేవాలయానికి హైలైట్ గా నిలిచాయి. అరబ్ ఎమిరేట్స్ యాంబియన్స్ ను ఏమాత్రం తీసుపోని విధంగా ఆలయాన్ని నిర్మించారు.

బోచసన్వాసి అక్షర్ పురుషోత్తం స్వామినారాయణ్ (BAPS) పేరిట అబుదాబిలో ఎంతో ప్రతిష్ఠాత్మకంగా చేపట్టిన ఈ హిందూ దేవాలయానికి ఏడు గోపురాలు ఉంటాయి. అరబ్ ఎమిరేట్స్ లో ఏడు ఎమిరేట్ లకు ప్రతీకగా ఈ గోపురాల్ని నిర్మించారు. రాజస్థాన్ నుంచి దిగుమతి చేసుకున్న పాలరాయిని నిర్మాణంలో వినియోగించారు. వేలాది మంది శిల్పులు, కార్మికులు, దాదాపు మూడేళ్ల పాటు శ్రమించి ఈ అద్భుత మనోహరమైన ఆలయంలో భాగస్వాములయ్యారు. 402 తెల్ల పాలరాతి స్తంభాలను ఇందులో అమర్చారు. ఒక్కో స్తంభం పై దేవతామూర్తులు, నెమళ్లు, ఏనుగులు, ఒంటెలు, సూర్యచంద్రులు, సంగీత పరికరాలు వాయిస్తున్న విద్వాంసులు.. ఇలా అనేక శిల్పాలను చెక్కారు.

దాదాపు రూ.700 కోట్ల వ్యయంతో చేపట్టిన ఈ ఆలయం దిగువ భాగంలో పవిత్ర గంగా, యమునా నదీ ప్రవాహాన్ని మరిపించేలా కృత్రిమ ప్రవాహాన్ని, ప్రత్యేక ఫోకస్ లైట్లను ఏర్పాటు చేశారు. దుబాయి- అబుదాబి మార్గంలో 55వేల చదరపు మీటర్ల పరిధిలో దీన్ని నిర్మించారు. యూఏఈలో భారత రాయబారి సుధీర్ ఆధ్వర్యంలో 42 దేశాలకు చెందిన రాయబారులు తమ జీవిత భాగస్వాములతో కలిసి అద్భుత ఆలయాన్ని సందర్శించారు.

ఆలయ విశిష్టత:

అబుదాబిలోని BAPS హిందూ ఆలయం పశ్చిమాసియాలోనే అతి పెద్దది. 32.92 మీటర్లు ( 108 అడుగులు ) ఎత్తు, 79.86 మీటర్లు (262 అడుగులు) పొడవు, 54.86 మీటర్లు (180 అడుగులు) వెడల్పుతో ఆలయాన్ని ఎంతో అద్భుతంగా తీర్చిదిద్దారు. అత్యంత క్లిష్టమైన రీతిలో ఫలకాలపై రామాయణం, శివపురాణం, భాగవతం, మహాభారతంతో పాటు జగన్నాథుడు, స్వామినారాయణుడు, వేంకటేశ్వరుడు, అయ్యప్ప కథలను వర్ణించారు. ఆలయ ప్రాంగణంలో సందర్శకుల కేంద్రాలు, ప్రార్థనా మందరాలు, ఎగ్జిబిషన్లు, లెర్నింగ్ ఏరియాలు, పిల్లల క్రీడా ప్రాంతాలు, ఉద్యానవనాలు, వాటర్ ఫీచర్లు, ఫుడ్ కోర్టులు, పుస్తకాలు, గిఫ్ట్ షాపులు ఉంటాయి. మందిర్ ఫౌండేషన్ పెద్ద సంఖ్యలో సెన్సార్లను ఏర్పాటు చేసింది. భూకంపం ఉష్ణోగ్రతల హెచ్చుతగ్గులు వంటి వాతావరణ మార్పులపై అవి నిరంతరం డేటాను సేకరిస్తాయి

Tags:
Next Story
Share it