Maria Feliciana: ప్రపంచంలోనే ఎత్తైన మహిళ కన్నుమూత

Maria Feliciana: ప్రపంచంలోని ఎత్తైన మహిళలలో ఒకరైన ‘క్వీన్ ఆఫ్ హైట్’ అని పిలువబడే మరియా ఫెలిసియానా డోస్ శాంటోస్( 77) కన్నుమూశారు. న్యుమోనియాతో బాధపడుతున్న ఆమె సోమవారం అరాకాజులోని ఒక ప్రైవేట్ ఆసుపత్రిలో ఈ లోకాన్ని వదిలేశారు. 7 అడుగుల 3 అంగుళాల ఎత్తు ఉన్న మరియా, తన అద్భుతమైన స్థాయి, విజయాలతో దేశ హృదయాలను గెలుచుకుంది. మరియా కీర్తి ప్రయాణం ఆమె స్వస్థలమైన అంపారో డో సావో ఫ్రాన్సిస్కోలో ప్రారంభమైంది. అక్కడ ఆమె యుక్తవయస్సు చివరిలో అసాధారణమైన వృద్ధిని సాధించింది. 10 ఏళ్ల వయస్సు నుండి బ్రెజిల్ ఎత్తైన మహిళగా మారింది. ఆమె ఎత్తు 7 అడుగుల 3.8 అంగుళాలతో ఆమె విశిష్ఠ గుర్తింపును సంపాదించింది. 1960 లలో ప్రతిష్టాత్మక ‘క్వీన్ ఆఫ్ హైట్’ పోటీని గెలుచుకుంది.

బాస్కెట్‌బాల్ ఆడటం ఆమె హాబీ. ఆమె ఎత్తు కారణంగా ఈ ఆటలో ఎప్పుడూ తనే ముందంజలో ఉండేది. మరియా ఫెలిసియానా మాత్రమే కాదు, ఆమె తండ్రి ఎత్తు కూడా 7 అడుగుల 8.7 అంగుళాలు. అయితే అతని తాత ఎత్తు 7 అడుగుల 5.4 అంగుళాలు ఉండేవారు. ఆ విధంగా చూస్తే మరియా ఫెలిసియానా తన ఎత్తును వారసత్వంగా పొందింది. ఆమె తన యుక్తవయస్సులో అత్యంత ఎత్తైన మహిళగా మారబోతున్నట్లు గ్రహించింది. అతను అనేక నగరాలను సందర్శించింది. 18 సంవత్సరాల వయస్సులో ఆమె ప్రముఖ బ్రెజిలియన్ TV షో "రెన్హా డా అల్టురా"లో ఆమెకు క్వీన్ ఆఫ్ హైట్‌గా పట్టాభిషేకం చేశారు. ఆ తర్వాత ఆమె నేషనల్ సెలబ్రిటీ అయిపోయింది. దీంతో ఆమె అభిమానుల సంఖ్య ఒక్కసారిగా పెరిగిపోయింది.

1973లో 27 సంవత్సరాల వయస్సులో ఆమె అసుయిర్స్ జోస్ డోస్ శాంటోస్‌ని వివాహం చేసుకుంది. ఆ తర్వాత పోటీలకు వెళ్లడం మానేశారు. వారికి ముగ్గురు పిల్లలు. వీరిలో ఇద్దరు కుమారులు దాదాపు 7 అడుగుల ఎత్తు ఉన్నారు. ఒక కుమార్తె కూడా ఉంది, దీని ఎత్తు సాధారణ మహిళల కంటే ఎక్కువగా ఉంటుంది. మరియా ఫెలిసియానా ప్రపంచంలోని 10 ఎత్తైన మహిళల్లో ఒకరు. మరియా ఫెలిసియానా విగ్రహం ఆమె స్వస్థలమైన సెర్గిప్‌లోని మ్యూజియం వెలుపల ఏర్పాటు చేయబడింది. అరకాజు నగరంలో 28 అంతస్తుల బిల్డింగ్ ఉంది. దీనిని మరియా ఫెలిసియానా బిల్డింగ్ అని కూడా అంటారు. ఆమె మరణం బ్రెజిల్ అంతటా శోకాన్ని నింపింది, రాజకీయ నాయకులు, అధికారులు, అభిమానుల నుండి నివాళులు అర్పించారు. అరాకాజు మేయర్ ఎడ్వాల్డో నోగుఇరా రాజధాని నగరంలో మూడు రోజుల సంతాపాన్ని ప్రకటించారు.