తెలంగాణ ప్రతి అభివృద్ధి సూచీలో, ముఖ్యంగా ఆరోగ్య రంగంలో, ఎంతో ముందుంది ఈ సందర్భంగా ఆయన చెప్పారు.
న్యూస్ లైన్ డెస్క్: ప్రజల సంక్షేమం కోరుకునే విశాల దృక్పథం ఉన్న నాయకుడిగా సీఎం రేవంత్ రెడ్డి(CM Revanth) ఎదగాలని కోరుకుంటున్నానని BRS నేత దాసోజు శ్రవణ్(Dasoju Sravan) అన్నారు. తెలంగాణ "ఏపీతో సమానంగా పని చేస్తాం" అనే వాదన అజ్ఞానంతో కూడిందని, ఆయనకున్న హ్రస్వదృష్టిని బయటపెడుతోందని అన్నారు. తెలంగాణ ప్రతి అభివృద్ధి సూచీలో, ముఖ్యంగా ఆరోగ్య రంగంలో, ఎంతో ముందుందని ఆయన చెప్పారు. అయితే, మనకు ఇంకా ప్రభుత్వ రంగంలో బలమైన గ్రామీణ ఆరోగ్య సంరక్షణ అవసరం. ప్రజలకు ఆరోగ్య సేవలను అందరికీ అందుబాటులో ఉండే విధంగా చూడాలని సూచించారు.
ముఖ్యంగా, ప్రైవేటు కార్పొరేట్ ఆసుపత్రుల లైసెన్స్ (Corporate Hospitals) దోపిడీని నియంత్రించకుండా, ప్రస్తుత ముఖ్యమంత్రి వ్యంగ్యంగా, ఆరోగ్య పర్యాటన పేరుతో మరిన్ని ప్రైవేటు కార్పొరేట్ ఆసుపత్రులను ప్రోత్సహించడానికి కంకణం కట్టుకున్నట్లుగా అనిపిస్తోందని అన్నారు. వేల ఎకరాల విలువైన భూమిని కేటాయించడం, కేవలం రియల్ ఎస్టేట్ (Real Estate) వ్యాపారం మాత్రమే, ప్రజల సంక్షేమం ఏమాత్రం కాదు ఆయన ఘాటుగా స్పందించారు. అభివృద్ధి మెరుగైన ప్రమాణాలతో పోల్చి పోటీ చేయండి, ముఖ్యంగా రియల్ ఎస్టేట్ వ్యాపార మనస్తత్వాన్ని విడిచిపెట్టండి అని సూచించడంతో పాటు హెచ్చరిక కూడా చేశారు.
