రామ్ చరణ్ బేగంపేట్ ఎయిర్ పోర్ట్ లో కనిపించారు. ఈ కార్యక్రమానికి రామ్ చరణ్ తన ప్రత్యేక విమానంలో బయలుదేరారు.
న్యూస్ లైన్, స్పెషల్ డెస్క్: గ్లోబల్ స్టార్ రామ్ చరణ్ ఇవాళ హైదరాబాద్ బేగంపేట ఎయిర్ పోర్ట్ లో దర్శనమిచ్చారు. ఈ రోజు గేమ్ ఛేంజర్ టీజర్ రిలీజ్ కార్యక్రమం లక్నోలో జరుగుతుంది. అక్కడికి వెళ్తూ రామ్ చరణ్ బేగంపేట్ ఎయిర్ పోర్ట్ లో కనిపించారు. ఈ కార్యక్రమానికి రామ్ చరణ్ తన ప్రత్యేక విమానంలో బయలుదేరారు.
రామ్ చరణ్ అయ్యప్ప దీక్ష చేపట్టిన సంగతి తెలిసిందే. ఆయన మాలధారణ చేసి ఉండడంతో, నల్ల దుస్తుల్లో, కాళ్లకు చెప్పుల్లేకుండా కనిపించారు. దాదాపు ప్రతి సినిమా కంప్లీట్ అయ్యాక రామ్ చరణ్ అయ్యప్ప దీక్ష చేపట్టడం పరిపాటే.
రామ్ చరణ్ ప్రధాన పాత్రలో స్టార్ డైరెక్టర్ శంకర్ దర్శకత్వంలో తెరకెక్కుతున్న పాన్ ఇండియా చిత్రం గేమ్ చేంజర్. శ్రీ వెంకటేశ్వర క్రియేషన్స్, జీ స్టూడియోస్ నిర్మిస్తున్న ఈ చిత్రంపై ఇప్పటికే భారీ అంచనాలు ఉన్నాయి. నిజానికి టీజర్ రిలీజ్ తో పాటు సినిమా పై చాలా మంచి అంచనాలున్నాయి. నిన్ననే టీజర్ ప్రోమో రిలీజ్ కావడంతో రామ్ చరణ్ ఫ్యాన్స్ టీజర్ కోసం ఇంట్రస్టింగ్ గా వెయిట్ చేస్తున్నారు.
