శేఖర్ తొలి పాన్ఇండియా మూవీ కావడం, తమిళ, తెలుగు స్టార్స్ ఉండడంతో కాస్త సినిమా మీద అంచనాలున్నాయి.
న్యూస్ లైన్, స్పెషల్ డెస్క్: క్లాస్ మూవీ డైరక్టర్ శేఖర్ కమ్ముల పాన్ ఇండియా లెవెల్ లో తీస్తున్న సినిమా కుబేర ఈ సినిమాలో టాలీవుడ్ కింగ్ నాగార్జునతో పాటు హీరో ధనుష్ కూడా యాక్ట్ చేస్తున్నారు. ఇందులో నేషనల్ క్రష్ రష్మిక మందన్న కీ రోల్ ప్లే చేస్తున్నారు. శేఖర్ తొలి పాన్ఇండియా మూవీ కావడం, తమిళ, తెలుగు స్టార్స్ ఉండడంతో కాస్త సినిమా మీద అంచనాలున్నాయి.
ఇక ఇప్పటికే సినిమా నుంచి స్టార్లు నాగార్జున, ధనుశ్, రష్మిక ఫస్ట్ లుక్ పోస్టర్లు రిలీజ్ చేశారు. అలాగే నేషనల్ క్రష్ క్యారెక్టర్ గ్లింప్స్ కూడా విడుదలైంది. కార్తీక పౌర్ణమి సందర్భంగా నవంబర్ 15వ తేదీన టీజర్ విడుదల చేయనున్నట్లు మేకర్స్ వెల్లడించారు. అయితే రష్మిక స్పెషల్ లుక్ చూసిన నెటిజన్లు ఫిదా అయిపోతున్నారు. పోస్టర్ లో రష్మిక బ్యాక్ గ్రౌండ్లో ఓ బ్రిడ్జ్ ఉంది. చాలా సింపుల్ లుక్ లో కనిపించింది. ఓ గునపం చేతిలో పట్టుకుని అడవిలాంటి ప్రదేశానికి వెళ్లి అక్కడ తవ్వడం మొదలెడుతుంది. ఇంతలో ఆ తవ్వకాల్లో తనకు ఓ పెద్ద సూట్కేస్ దొరుకుతుంది. ఆమె ఆ పెట్టెను ఓపెన్ చేయగా, దాని నిండా డబ్బులు కనిపిస్తుంది. ఇలా గ్లింప్స్ను ఇంట్రెస్టింగ్గా చూపించారు.
శ్రీ వెంకటేశ్వర సినిమాస్ ఎల్ ఎల్ పీ, అమిగోస్ క్రియేషన్స్ బ్యానర్లపై సునీల్ నారంగ్, మోహన్ రావు సంయుక్తంగా ఈ సినిమాను నిర్మిస్తున్నారు. తెలుగు , తమిళం ఒకేసారి షూటింగ్ చేస్తున్నారు. రాక్ స్టార్ దేవి శ్రీ ప్రసాదం సంగీతం అందిస్తున్నారు.
