మన దేశ అస్థిత్వాన్ని, ఆత్మగౌరవాన్ని మువ్వన్నెల జెండాగా సగర్వంగా ఎగరేసిన ఈ రోజు దేశ చరిత్రలో సువర్ణాక్షరాలతో లిఖించదగ్గ రోజు అని కొనియాడారు.
న్యూస్ లైన్ డెస్క్: స్వాతంత్య్ర దినోత్సవం సందర్బంగా గోల్కొండ కోటలో సీఎం రేవంత్ రెడ్డి ఈరోజు జాతీయ జెండాను ఎగురవేశారు. అనంతరం ఆయన సికింద్రాబాద్ పరేడ్ గ్రౌండ్స్‌లోని సైనిక అమరవీరుల స్మారకం వద్ద అమరులకు శ్రద్ధాంజలి ఘటించారు.
బ్రిటీషు బానిస సంకెళ్లు తెంచి.. స్వేచ్ఛా వాయువులు పీల్చుకున్న ఈ రోజు మనందరికీ పర్వదినమని రేవంత్ తెలిపారు. మన దేశ అస్థిత్వాన్ని, ఆత్మగౌరవాన్ని మువ్వన్నెల జెండాగా సగర్వంగా ఎగరేసిన ఈ రోజు దేశ చరిత్రలో సువర్ణాక్షరాలతో లిఖించదగ్గ రోజు అని కొనియాడారు. ఈ పండుగ సందర్భంగా భారతదేశ ప్రజలందరికీ స్వాతంత్య్ర దినోత్సవ శుభాకాంక్షలు అని రేవంత్ అన్నారు.
