పూజలు చూసిన జనాలకు భయాందోళనకు గురయ్యారు. దీంతో ఆమెపై వరంగల్ పోలీస్ కమిషనరేట్ పరిధిలో మాముననూరు పోలీసులు కేసు నమోదు చేశారు.
న్యూస్ లైన్, స్పెషల్ డెస్క్: ప్రస్తుతం ఈ అఘోరీ విషయం తెలుగు రాష్ట్రాల్లో ఫుల్ వైరల్ అవుతున్న వార్త. అయితే ప్రతి రోజు ఏదో ఒకటి చేస్తూ వార్తల్లో నిలుస్తుంది. ఇఫ్పుడు మరో ఘటనతో వార్తల్లోకి వచ్చారు. బెస్తం చెరువు స్మశాన వాటికలో విచిత్ర పూజలు నిర్వహించింది అఘోరీ. ఈ పూజలు చూసిన జనాలకు భయాందోళనకు గురయ్యారు. దీంతో ఆమెపై వరంగల్ పోలీస్ కమిషనరేట్ పరిధిలో మాముననూరు పోలీసులు కేసు నమోదు చేశారు.
మామునూరు పోలీస్ స్టేషన్లో కోడిని చంపిన కేసు నమోదైంది. 325 BNS 11(1)(A) PCCA సెక్షన్లలో పోలీసులు కేసులు నమోదు చేశారు. అఘోరీ వరంగల్ నగర శివారులోని బెస్తం చెరువు స్మశాన వాటికలో రెండు రోజుల పాటు విడిది చేసింది. అక్కడ స్మశానం లో విచిత్రమైన పూజలు చేయడంతో పాటు ఓపెన్ గా కోడిని బలి ఇచ్చింది.
కోడిని చంపుతున్న దృశ్యాలు సోషల్ మీడియాలో విపరీతంగా వైరల్ అయ్యాయి. కరీంనగర్ కు చెందిన రోహన్ రెడ్డి అనే కుర్రాడు అఘోరీపై మామునూరు పోలీస్ స్టేషన్లో ఫిర్యాదు చేశారు. కోడిని బలిచ్చి రక్తార్పణ చేయడం నేరమని పోలీసులకు పిర్యాదు చేశారు. అయితే అఘోరీ మాత్రం పరారీ లో ఉన్నారు. ఎక్కడుందో పోలీసులు గుర్తించాల్సి ఉంది.
