ఈ సినిమాలో విలన్ పాత్రకు పాత్రకు సీనియర్ నటుడు, డైలాగ్ కింగ్ మోహన్ బాబును సంప్రదించగా... ఆయన గ్రీన్ సిగ్నల్ ఇచ్చినట్టు సమాచారం.
న్యూస్ లైన్, స్పెషల్ డెస్క్: నేచురల్ స్టార్ నాని , డైరక్టర్ శ్రీకాంత్ ఓదెల కాంబినేషన్ లో వస్తున్న దసరా సినిమా సూపర్ హిట్ అయ్యింది. నాని కెరియర్ లో భారీ వసూళ్లను రాబట్టింది. వీరి ఇద్దరి కాంబినేషన్ లో సినిమా రానుంది . ఆ సినిమాకు " ది ప్యారడైజ్ " అనే టైటిల్ ను మేకర్స్ ఫిక్స్ చేశారు. ఈ చిత్రం అఫీషియల్ పోస్టర్ కూడా రిలీజ్ అయింది. ఈ సినిమాలో విలన్ పాత్రకు పాత్రకు సీనియర్ నటుడు, డైలాగ్ కింగ్ మోహన్ బాబును సంప్రదించగా... ఆయన గ్రీన్ సిగ్నల్ ఇచ్చినట్టు సమాచారం.
‘ది ప్యారడైజ్’ ఒక బోల్డ్, యాక్షన్ థ్రిల్లర్‌ గా తెరకెక్కనున్నట్లు తెలుస్తుంది. ఫస్ట్ లుక్ పోస్టర్ లో తుపాకీలు పట్టుకుని కొందరు కనిపిస్తున్నారు. దీంతో ఫుల్ మాస్ ఎంటర్టైనర్ అని కొందరు అభిప్రాయపడ్డారు. ఈ మూవీని హైదరాబాద్లోని చార్మినార్ పరిసర ప్రాంతాల్లో తెరకెక్కించనున్నట్లు తెలుస్తోంది. అంతేకాదు నాని మరియు మోహన్ బాబు తో తీసిన యాక్షన్ సీన్స్ హైలెట్ గా నిలుస్తాయని తెలిపారు.
మోహన్ బాబు ఇటీవలే తన కొడుకు మంచు విష్ణు ప్రధాన పాత్రలో నటిస్తూ నిర్మించిన ‘కన్నప్ప’ సినిమాలో కీలక పాత్రలో నటించారు. గత కొంత కాలంగా మోహన్ బాబు హీరోగా నటిస్తున్న సినిమాలు బాక్సాఫీస్ వద్ద బొక్క బోర్లా పడుతున్నాయి. అందుకే హీరోగా నటించే ఆలోచన చేయడం లేదని తెలుస్తోంది. విలన్ రోల్స్‌లో గతంలో మోహన్‌బాబు నటించారు. మళ్లీ ఇన్నాళ్ల తర్వాత నాని సినిమాలో మోహన్ బాబు విలన్‌గా కనిపించబోతున్నారు.
