ఈ సినిమా కి కింగ్ డమ్ అనే పేరును కన్ఫర్మ్ చేశారు. ఈ సినిమా జులై 4న ప్రేక్షకుల ముందుకు వస్తున్నట్లు చిత్ర బృందం గతంలో ప్రకటించింది.
న్యూస్ లైన్ , స్పెషల్ డెస్క్ : రౌడీ హీరో విజయ్ దేవరకొండ హీరోగా తెరకెక్కుతున్న యాక్షన్ డ్రామా కింగ్ డమ్ మూవీకి గౌతమ్ తిన్ననూరి డైరక్ట్ చేస్తున్నారు. పాన్ ఇండియా మూవీగా రిలీజ్ అవుతున్న ఈ సినిమా కి కింగ్ డమ్ అనే పేరును కన్ఫర్మ్ చేశారు. ఈ సినిమా జులై 4న ప్రేక్షకుల ముందుకు వస్తున్నట్లు చిత్ర బృందం గతంలో ప్రకటించింది. ఈ విషయాన్ని తమ్ముడు చిత్ర బృందం అధికారికంగా ప్రకటించింది. అయితే జులై నాలుగో తేదీనే తమ్ముడు రిలీజ్ అవుతుంది. దీంతో కింగ్డమ్ మూవీ జూలై 25న రిలీజ్ అయ్యే అవకాశం ఉందన్న ఊహాగానాలు వినిపిస్తున్నాయి.
ఈ సినిమాను సితార ఎంటర్టైన్మెంట్, ఫార్య్టూన్ ఫోర్ బ్యానర్ల పై సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. ఇప్పటికే మూవీ టీజర్ రిలీజ్ చేశారు. గ్లోబల్ స్టార్ ఎన్టీఆర్ ఈ టీజర్ లో వాయిస్ ఓవర్ ఇచ్చారు. ఎన్టీఆర్ వాయిస్ , విజువల్స్ తో టీజర్ ఆడియన్స్ ను మరింత ఆకట్టుకుంది.
టీజర్ ఇప్పటికే 18 మిలియన్ వ్యూస్ దక్కించుకుంది. ఈ సినిమా నుంచి రిలీజ్ అయినా 'హృదయం లోపల' సాంగ్ 11 మిలియన్ వ్యూస్తో ప్రేక్షకులను ఆకట్టుకుంటోంది. ఈ ఫస్ట్ సింగిల్ యూత్ను బాగా అట్రాక్ట్ చేస్తోంది.
