ఈ కాలంలో సిట్రస్ ఫుడ్స్ హెల్త్ కి చాలా మంచిది. ఈ ఉసిరి ముఖ్యంగా జుట్టు హెల్త్ కి చాలా మంచిది.
న్యూస్ లైన్ , స్పెషల్ డెస్క్: ఇప్పుడు అంతా ఉసిరికాయల సీజన్. అసలు ఈ కాలంలో సిట్రస్ ఫుడ్స్ హెల్త్ కి చాలా మంచిది. ఈ ఉసిరి ముఖ్యంగా జుట్టు హెల్త్ కి చాలా మంచిది. ఉసిరికాయలతో పప్పు, ఇన్స్టంట్ పచ్చడి, రైస్ కూడా చేసుకోవచ్చు. అలాగే ఘాటైన రసం కూడా చేసుకోవచ్చు. వేడి వేడి అన్నంలో ఈ ఉసిరి రసం తింటే బాగుంటుంది. కాసింత ఘాటుగా చేసుకుంటే మరీ మంచిది. చిన్నపిల్లలకి అయితే మంచి ఇమ్యూనిటీ.
కావాల్సిన పదార్థాలు:
ఉసిరికాయలు - 4(నిమ్మకాయ సైజ్)
మిరియాలు - 1 టీ స్పూన్
జీలకర్ర - 1 టీ స్పూన్
బాగా పండిన మీడియం సైజ్ టమాటలు - 2
నూనె - 1 టేబుల్ స్పూన్
ఆవాలు - 1 టీ స్పూన్
జీలకర్ర - అర టీ స్పూన్
ఇంగువ - చిటికెడు
కరివేపాకు - 2 రెబ్బలు
ఎండు మిర్చి - 2
అల్లం తరుగు - 1 టీ స్పూన్
పచ్చిమిర్చి - 1
ఉప్పు - రుచికి సరిపడా
పసుపు - అర టీ స్పూన్
నీరు - ఒకటింపావు లీటర్లు
కందిపప్పు పేస్ట్ - పావు కప్పు
కొత్తిమీర తరుగు - కొద్దిగా
తయారీ విధానం:
ముందుగా కందిపప్పు ఉడికించి ..మెత్తగా చేసి ఉంచుకొండి. ఉసిరి కాయలు ముక్కలు కట్ చేసి ఉంచుకొండి. పిక్కలు తీసేయండి. దీనితో పాటు కాసింత పచ్చిమిర్చి , అల్లం సన్నగా తరగి ఉంచుకొండి. పులుపు కోసం టమోటా తీసుకొండి .వీటిలో కాసింత జీలకర్ర వేసి వీటన్నింటిని మెత్తగా పేస్ట్ చెయ్యండి.
ఇప్పుడు స్టవ్ ఆన్ చేసి పాన్ పెట్టి అందులోకి నూనె పోసి వేడి చేసుకోవాలి. పోపు వేసుకొండి. అందులోకి తరిగిన అల్లం, పచ్చిమిర్చి చీలికలు వేసి ఓ నిమిషం పాటు ఫ్రై చేసుకోవాలి.
ఆ తర్వాత గ్రైండ్ చేసుకున్న ఉసిరికాయ టమాట మిశ్రమం వేసి కలుపుకోవాలి. అనంతరం రుచికి సరిపడా ఉప్పు, పసుపు, ఒకటింపావు నీళ్లు పోసి బాగా కలిపి స్టవ్ను మీడియం ఫ్లేమ్ మీద పెట్టి చారు ఓ పొంగు వచ్చే వరకు మరిగించుకోవాలి. సుమారు ఓ 10 నిమిషాల టైమ్ పడుతుంది. ఇందులో మీరు ముందుగా ఉడికించి పెట్టుకున్న కందిపప్పు పేస్ట్ లాగా కందిపప్పు వేసి మరో మూడు నిమిషాలు మరిగించాలి. ఆ తర్వాత కొద్ది గా కొత్తిమేర వేసి దించేసుకొండి. ఇది ఇమ్యూనిటీ తో పాటు హెయిర్ ఫాల్ కంట్రోల్ చేస్తుంది.
