ఓ ఇంట్లోకి భారీ మొసలి దూరింది. మొసలి రావడం చూసి ఆ కుటుంబం ఉలిక్కిపడింది.
న్యూస్ లైన్ డెస్క్: ఓ ఇంట్లోకి భారీ మొసలి దూరింది. మొసలి రావడం చూసి ఆ కుటుంబం ఉలిక్కిపడింది. ఈ ఘటన వనపర్తి జిల్లాలో జరిగింది. శ్రీరంగాపురం మండలం జానంపేటలో అర్ధరాత్రి గ్రామ సమీపంలోని రామసముద్రం చెరువు నుంచి భారీ మొసలి బయటకు వచ్చింది. అయితే దాన్ని వీధి కుక్కలు తరమడంతో సమీపంలోని ఓ ఇంట్లోకి చొరబడింది. దీంతో భయాందోళనకు గురైన గ్రామస్థులు ఫారెస్ట్ అధికారులకు సమాచారం అందించారు. ఘటన స్థలానికి చేరుకున్న అధికారులు ఆ మొసలిని స్నేక్స్ సొసైటీ టీం బంధించింది. ఇక అక్కడి నుంచి మొసలిని ఫారెస్ట్ అధికారులు అటవీలో సురక్షితమైన నీటి ప్రదేశంలో వదిలేశారు.
