జూనియర్ డాక్టర్ ను ఆప్రాన్ లాగి ఇబ్బందిపెట్టాడు. వెంటనే ఆమె అరవడంతో...చుట్టు ప్రక్కల వారు అలర్ట్ అయ్యారు. ఆ వ్యక్తిని రెండు దెబ్బలు వేసి ..తన నుంచి లేడీ డాక్టర్ ఇబ్బంది పడకుండా చూసుకున్నారు
న్యూస్ లైన్, స్పెషల్ డెస్క్: సికింద్రాబాద్ గాంధీ హాస్పటిల్ లో జూనియర్ డాక్టర్‌పై దాడి అందరిని షాక్ కు గురి చేసింది . ఎమ‌ర్జెన్సీ వార్డులో ఓ లేడీ డాక్టర్‌పై రోగి బంధువు దాడికి పాల్పడ్డాడు. అటుగా వెళ్తున్న జూనియర్ డాక్టర్ ను ఆప్రాన్ లాగి ఇబ్బందిపెట్టాడు. వెంటనే ఆమె అరవడంతో...చుట్టు ప్రక్కల వారు అలర్ట్ అయ్యారు. ఆ వ్యక్తిని రెండు దెబ్బలు వేసి ..తన నుంచి లేడీ డాక్టర్ ఇబ్బంది పడకుండా చూసుకున్నారు.
స‌మాచారం అందుకున్న పోలీసులు గాంధీ ఆస్ప‌త్రికి చేరుకుని, దాడికి పాల్ప‌డ్డ వ్యక్తిని అదుపులోకి తీసుకున్నారు. అనంతరం అత‌డిని చిల‌క‌ల‌గూడ పోలీసు స్టేష‌న్‌కు త‌ర‌లించారు. జూనియర్ డాక్ట‌ర్లు ఈ ఘ‌ట‌న‌పై పోలీసులకు ఫిర్యాదు చేయ‌డంతో పాటు ఆందోళ‌న‌కు సిద్ధ‌మ‌వుతున్నారు. తమకు రక్షణ కల్పించాలని ఈ సందర్భంగా జూడాలు ప్రభుత్వాన్ని కోరుతున్నారు.
అంతేకాదు ..ఎవ్వరు లేని టైంలో దాడులు చేస్తే ఏం చెయ్యాలని తమకు సెక్యూరిటీ కంపల్సరీ ఉండాలని కోరారు. పోలీస్ ప్రొటక్షన్ తో పాటు దాడి చేసిన వ్యక్తిని కఠినంగా శిక్షించాలని కోరారు.
సీసీ ఫుటేజ్.. గాంధీ ఆస్పత్రిలో మహిళా డాక్టర్ పై దాడి
సికింద్రాబాద్ - గాంధీ ఆస్పత్రిలో ఓ లేడీ జూనియర్ డాక్టర్ పై దాడి కలకలం రేపింది.. మహిళా డాక్టర్ చేయి పట్టుకుని ఆమె అప్రాన్ లాగి రోగి బంధువు ఇబ్బంది పెట్టాడు.
అప్రమత్తమైన వైద్య సిబ్బంది డాక్టర్‌ను రక్షించారు. అనంతరం పోలీసులకు… pic.twitter.com/hqpfWsgZHa — Telugu Scribe (@TeluguScribe) September 11, 2024
