అన్నింటికి సోషల్ మీడియా ఉపయోగపడుతుంది కదా...మరి మంచికి కూడా ఉపయోగపడుతుంది. ఓ స్కూల్ స్టూడెంట్స్ , టీచర్ సాయంతో ఓ యాప్ తయారుచేశారు.
న్యూస్ లైన్ , స్పెషల్ డెస్క్: సోషల్ మీడియా ఎఫెక్ట్ చాలా పెరిగింది. ఏం కావాలన్నా ..జనాలను అడిగే రోజులు పోయాయి. ఏం కావాలన్నా...జస్ట్ గూగుల్ ఇట్.. అందుకే అన్నింటికి సోషల్ మీడియా ఉపయోగపడుతుంది కదా...మరి మంచికి కూడా ఉపయోగపడుతుంది. ఓ స్కూల్ స్టూడెంట్స్ , టీచర్ సాయంతో ఓ యాప్ తయారుచేశారు. పేదలకు ఆహారం, గుడ్డ అందించేందుకు 'హెల్పింగ్ హ్యాండ్స్' పేరిట యాప్ను తయారు చేశారు. ఇప్పటికే ఆల్ఫా వెర్షన్ పూర్తి చేసుకుని బీటా వెర్షన్ దశలోకి చేరుకుంది. త్వరలోనే పూర్తి స్థాయిలో సిద్ధమై ఆండ్రాయిడ్ యూజర్లకు అందుబాటులోకి రానుంది.
ఆదిలాబాద్ జిల్లా విద్యార్ధులు చేసిన అధ్భుతమైన పని ఇది . చాలా జిల్లాలలో అనాథలు, పేదలు, యాచకులకు కడుపునిండా తిండిలేక, కట్టుకునేందుకు సరైన దుస్తుల్లేక ఎదుర్కొంటున్న ఇబ్బందులను ప్రత్యక్షంగా గమనించారు. వారిని ఆదుకునేందుకు తమవంతుగా ఏదైనా చేయాలనుకున్నారు ఆ విద్యార్థులు. అప్పుడు ఈ యాప్ ఐడియా వచ్చింది.
ఆదిలాబాద్ పట్టణంలోని వాసవి వరల్డ్ పాఠశాల్లో ప్రస్తుతం 8వ తరగతి చదువుతున్న జె.అవ్ని, ఇ.శాన్వికా రెడ్డి, జె.రాగప్రియ అనే విద్యార్థినులు ఈ యాప్ ను క్రియేట్ చేశారు . ఈ క్రమంలో తమకు కంప్యూటర్స్ బోధించే ఉపాధ్యాయురాలు వి.మౌనికా రెడ్డి సాయంతో యాప్ను రూపొందిచాలి అనుకున్నారు. థంకేబుల్ అనే ప్లాట్ఫాం సాయంతో యాప్ తయారీ, అవసరమైన కోడింగ్ వంటి ప్రక్రియలను పూర్తి చేశారు. చాలా సార్లు ట్రయిల్ పీరియడ్ కూడా అయ్యింది. లాస్ట్ స్టేజ్ కు చేరిన ఆ యాప్ ఆండ్రాయిడ్ వినియోగదారులకు ప్లేస్టోర్ లో అందుబాటులోకి వస్తుంది. ఐఓఎస్ యూజర్స్ కు ఇంకా కొంచెం టైం పడుతుందంటున్నారు. అయితే యాప్ సూపర్ అంటున్నారు నెటిజన్స్.ఈ యాప్ లో స్వచ్ఛంద సంస్థలు, గోశాలల వివరాలు, రక్తదాతల వివరాలు కూడా ఈ యాప్లో పొందుపర్చి మరింత ఉన్నతీకరించనున్నట్లు విద్యార్థులు తెలిపారు.
