ఒక్కటైన నాగచైతన్య, ధూళిపాళ్ల శోభితల ఎంగేజ్ మెంట్ మీద వేణుస్వామి సెన్షేషనల్ కామెంట్స్ చేశాడు.
న్యూస్ లైన్ డెస్క్ : నిత్యం వార్తల్లో ఉండటం.. ఏ బాంబ్ వేస్తే ట్రెండింగ్ లో ఉంటామో ప్రముఖ జ్యోతిష్యుడు వేణుస్వామికి వెన్నతో పెట్టిన విద్యలా కనిపిస్తుంది. తాజాగా ఒక్కటైన నాగచైతన్య, ధూళిపాళ్ల శోభితల ఎంగేజ్ మెంట్ మీద వేణుస్వామి సెన్షేషనల్ కామెంట్స్ చేశాడు. గతంలో నాగచైతన్య, సమంతాల విడాకులపై ఆయన చేసిన కామెంట్స్ సైతం సోషల్ మీడియాలో, టాలీవుడ్ లో హాట్ టాపిక్ గా మారాయి. కాగా.. తాజాగా నాగచైతన్య, శోభితల జంటపై వేణుస్వామి మరోసారి బాంబు పేల్చాడు.
సోషల్ మీడియా వేదికగా నాగచైతన్య, ధూళిపాళ్ల శోభితల ఎంగేజ్ మెంట్ జరిగింది అని నాగార్జున పోస్ట్ చేసిన విషయం తెలిసిందే. ఆ వెంటనే వారి జాతకం గురించి రేపు చెప్తా అంటూ వేణుస్వామి సోషల్ మీడియాలో ప్రకటించాడు. మొన్నటి ఎన్నికల ఫలితం తలకిందులైన తర్వాత ఇకపై జాతకం చెప్పను అని బహిరంగంగానే చెప్పిన వేణుస్వామి తాజాగా నాగచైతన్య ఇష్యూపై స్పందించాడు. శుభమా అని ఇద్దరూ పెళ్లి చేసుకుంటుంటే ఈయన మళ్లీ వచ్చాడేమిటి అనుకునేవాళ్లు కొందరైతే.. ఈయన చెప్పాడంటే అంతే అంటూ మరికొందరు సోషల్ మీడియాలో కామెంట్ చేస్తున్నారు.
