కొత్త నటినటులతో యదువంశీ డైరెక్షన్ లో వచ్చినటువంటి సరికొత్త మూవీ "కమిటీ కుర్రోళ్ళు". ఈ చిత్రం కొణిదల నిహారిక సమర్పణలో పింక్ ఎలిమెంట్ పిక్చర్స్ ఎల్ ఎల్ పి శ్రీ రాధా దామోదర్ స్టూడియోస్
న్యూస్ లైన్ డెస్క్: కొత్త నటినటులతో యదువంశీ డైరెక్షన్ లో వచ్చినటువంటి సరికొత్త మూవీ "కమిటీ కుర్రోళ్ళు". ఈ చిత్రం కొణిదల నిహారిక సమర్పణలో పింక్ ఎలిమెంట్ పిక్చర్స్ ఎల్ ఎల్ పి శ్రీ రాధా దామోదర్ స్టూడియోస్ వారి జయలక్ష్మి, పద్మజ కొణిదెల నిర్మిస్తున్నారు. అలాంటి ఈ చిత్రం ట్రైలర్ ఈరోజు రిలీజ్ చేశారు. ఈ ఈవెంట్ కు హీరో సిద్దు జొన్నలగడ్డ హాజరై మాట్లాడుతూ.. కమిటీ కుర్రోళ్ళు ట్రైలర్ చూస్తే చిన్న సినిమాల కనిపించడం లేదని, చిత్రంలోని విజువల్స్ గూస్ బంప్స్ తెప్పించేలా ఉన్నాయని అన్నారు.
అసలు సినిమా రంగంలో చిన్న సినిమా పెద్ద సినిమా అనేది ఉండదని, ఓ మూవీకి ఎక్కువ ఖర్చు పెడతారు, మరో మూవీకి తక్కువ ఖర్చు పెడతారు తప్ప సినిమా అనేది పెద్దది చిన్నది అనేది ఉండదు అంటూ చెప్పుకొచ్చారు. అలాగే కొత్త నటీనటులతో ఈ చిత్రం తీయడం మామూలు విషయం కాదని, మూవీ ప్రతి ఒక్క ప్రేక్షకులకు నచ్చుతుందని పెద్ద హిట్ అవుతుందని అన్నారు.
అనంతరం నిహారిక మాట్లాడుతూ ఈ మూవీ కోసం మూడు సంవత్సరాల నుంచి పని చేస్తున్నామని, ప్రతి ఒక్క నటుడు పాత్రలో నటించడం కాదు జీవించేసారని అన్నారు. యాదు వంశీ మంచి మూవీ అందించారని ప్రతి ఒక్క ప్రేక్షకుడు ఆదరించాలని తెలియజేశారు. ఈ ప్రోగ్రాం లో నిర్మాత ఫణి అడపాక, ప్రొడ్యూసర్ రమేష్, మ్యూజిక్ డైరెక్టర్లు అనుదీప్ దేవ్, కెమెరామెన్లు, పాల్గొన్నారు. ఈ చిత్రం గురించి సిద్దు జొన్నలగడ్డ మాట్లాడిన మాటలు ప్రస్తుతం సోషల్ మీడియాలో వైరల్ అవుతున్నాయి.
