ప్రియా భవాని శంకర్.. తమిళ న్యూస్ రీడర్ గా పనిచేసిన ఈ ముద్దుగుమ్మ ఆ తర్వాత కొన్ని సీరియల్లో చేసి మొదటిసారి మేయాద మాన్ అనే మూవీ తో హీరోయిన్ గా పరిచయమైంది. ఇక ఈమె తమిళంలో ఎన్నో సినిమాల్లో చేసి
న్యూస్ లైన్ డెస్క్: ప్రియా భవాని శంకర్.. తమిళ న్యూస్ రీడర్ గా పనిచేసిన ఈ ముద్దుగుమ్మ ఆ తర్వాత కొన్ని సీరియల్లో చేసి మొదటిసారి మేయాద మాన్ అనే మూవీ తో హీరోయిన్ గా పరిచయమైంది. ఇక ఈమె తమిళంలో ఎన్నో సినిమాల్లో చేసి తెలుగులో సంతోష్ శోభన్ హీరోగా చేసిన కళ్యాణం కమనీయం అనే సినిమాతో పరిచయమైంది.అలాగే ఈ ముద్దుగుమ్మ నాగచైతన్య హీరోగా చేసిన ధూత అనే వెబ్ సిరీస్ లో నాగచైతన్య భార్య గా కూడా నటించింది.
గోపీచంద్ తో భీమా మూవీలో కూడా చేసింది.అలా తెలుగువారికి ఎంతో సుపరిచితురాలైన ప్రియా భవాని శంకర్ త్వరలోనే పెళ్లి చేసుకోబోతున్నట్లు తెలుస్తోంది. అయితే ఈ విషయాన్ని స్వయంగా ప్రియా భవాని శంకర్ బయటపెట్టడంతో అందరికీ క్లారిటీ వచ్చింది.ప్రియ భవాని శంకర్ ప్రస్తుతం డెమోంటే కాలనీ -3 అనే సినిమా ప్రమోషన్స్ లోభాగంగా కొన్ని ఆసక్తికరమైన వ్యాఖ్యలు చేసింది.నేను దాదాపు పది సంవత్సరాలుగా రాజ్ అనే వ్యక్తితో రిలేషన్ లో ఉన్నాను.
సినిమాల్లోకి రాకముందే నాకు ఆయనతో పరిచయం ఉంది. అయితే త్వరలోనే నేను పెళ్లి చేసుకోబోతున్నాను అంటే వచ్చే ఏడాది కచ్చితంగా రాజ్ ని పెళ్లాడుతాను.అయితే సోషల్ మీడియాలో నాపై ఎన్నో రూమర్స్ వినిపించాయి.నేను ఎవరైనా అబ్బాయికి సంబంధించిన బర్త్డే పోస్టు లేక మరేదైనా పోస్టు సోషల్ మీడియాలో పెడితే వారితో నేను ప్రేమలో ఉన్నట్టు రూమర్స్ సృష్టించారు.
అంతేకాదు నేను వారితో డేటింగ్ లో ఉన్నట్టు కూడా రాశారు. కానీ నా అదృష్టం కొద్దీ వారందరికీ పెళ్లిళ్లు అయ్యాయి..అంటూ ఫన్నీగా చెప్పుకొచ్చింది ప్రియా భవాని శంకర్. ఇక రాజ్ తో రిలేషన్ లో ఉన్న ప్రియా భవాని శంకర్ కి బ్రేకప్ వార్తలు చాలాసార్లు మీడియాలో వినిపించాయి.కానీ వాటన్నింటికీ చెక్ పెడుతూ వచ్చే సంవత్సరం పెళ్లి చేసుకోబోతున్నారనే గుడ్ న్యూస్ చెప్పింది ప్రియా భవాని శంకర్
