కొణిదల నిహారిక తెలుగు సినిమా ఇండస్ట్రీలో నటిగా యాంకర్ గా తనకంటూ ప్రత్యేకమైన గుర్తింపు తెచ్చుకుంది. అలాంటి నిహారిక విడాకులు తీసుకున్న తర్వాత నిర్మాణ రంగంలో అడుగు పెట్టింది. ఇప్పటికే పలు వెబ్ సిరీస్
న్యూస్ లైన్ డెస్క్: కొణిదల నిహారిక తెలుగు సినిమా ఇండస్ట్రీలో నటిగా యాంకర్ గా తనకంటూ ప్రత్యేకమైన గుర్తింపు తెచ్చుకుంది. అలాంటి నిహారిక విడాకులు తీసుకున్న తర్వాత నిర్మాణ రంగంలో అడుగు పెట్టింది. ఇప్పటికే పలు వెబ్ సిరీస్ లకు నిర్మాతగా వ్యవహరించి అద్భుతమైన సక్సెస్ అందుకుంది. ఇలాంటి నిహారిక నిర్మాణ సారధ్యంలో తాజాగా వస్తున్నటువంటి మూవీ కమిటీ కుర్రోళ్ళు. ఈ చిత్రం ఆగస్టు 9న థియేటర్లలో విడుదల అవ్వడానికి సిద్ధమయింది.
ఈ సినిమాకు సంబంధించి ఫ్రీ రిలీజ్ ఈవెంట్ ను తాజాగా హైదరాబాదులో అట్టహాసంగా నిర్వహించారు. ఈ కార్యక్రమానికి అడవి శేషు తో పాటుగా సిద్దు జొన్నలగడ్డ హాజరై హల్చల్ చేశారు. ఈ విధంగా సినిమా ప్రమోషన్స్ ను భారీగా నిర్వహిస్తున్నటువంటి నిహారిక సినిమా గురించి మెగాస్టార్ చిరంజీవి తాజాగా స్పందించారు. సినిమా గురించి ఆయన ఆసక్తికరమైన కామెంట్స్ చేశారు. మా నిహారిక నిర్మించినటువంటి కమిటీ కుర్రోళ్ళు ఆగస్టు 9న విడుదలవుతోంది. ఈ చిత్రాన్ని నేను ఇప్పటికే చూశాను. కథ అద్భుతంగా ఉంది.
నిహారిక మంచి ఆర్టిస్ట్ గానే కాకుండా లేటెస్ట్ ట్రెండ్స్ కు తగ్గట్టుగా ఈ చిత్రాన్ని నిర్మించింది. మన తెలుగు ప్రేక్షకులు ఎక్కువగా అద్భుతమైన కంటెంట్ ఉన్న చిత్రాలైతే బాగా ప్రోత్సహిస్తారు. అలాంటి కంటెంట్ తోనే కమిటీ కుర్రోళ్ళు చిత్రం వస్తోంది. గోదావరి జిల్లాలో 11 మంది వారి జీవితంలో పడే కష్టాలు పొందే ఫలాలు గురించి ఈ సినిమా కథ ఉంటుంది. మొత్తానికి అన్ని వర్గాల ప్రేక్షకులను సినిమా ఆకట్టుకుంటుందని చిరంజీవి అన్నారు. అంతేకాదు నిహారిక శుభాకాంక్షలు అంటూ చిరు ఒక వీడియో రిలీజ్ చేశారు.
అయితే ఈ చిత్రానికి యాదు వంశీ దర్శకుడిగా చేస్తున్నారు. సినిమాటోగ్రాఫర్ గా రాజు, సంగీత దర్శకులుగా అనుదీప్ ను కూడా చిరంజీవి అభినందించారు. అయితే ఈ మూవీని నిహారిక తల్లి పద్మజా కొనిదెలా సహకారంతో శ్రీ రాధా దామోదర్ స్టూడియోస్ బ్యానర్ పై జయలక్ష్మి అడపాక కమిటీ కుర్రోలు సహనిర్మాతలుగా వ్యవహరిస్తున్నారు. మరి ఈ చిత్రం ఇంతటి ప్రేక్షకు ఆదరణ పొందుతుందో ముందు ముందు తెలుస్తుంది.
