ప్రముఖ దర్శకుడు రాఘవేంద్రరావు , అశ్వినీ దత్ ముఖ్య అతిధులుగా హాజరయ్యారు. ఈ ఈవెంట్ లో తారక రామారావును మీడియాకు పరిచయం చేశారు.
న్యూస్ లైన్, స్పెషల్ డెస్క్: నందమూరి హరికృష్ణ మనవడు, జానకిరామ్ కుమారుడు తారకరామారావును దర్శకుడు వైవీఎస్ చౌదరి మీడియాకు పరిచయం చేశారు. న్యూ టాలెంట్ రోల్స్ పతాకం పై తారకరామారావు హీరోగా వైవీఎస్ చౌదరి సినిమాను రూపొందిస్తున్నారు. కీరవాణి సంగీతం అందిస్తున్న ఈ మూవీకి సంబంధించిన చాలా విషయాలు వైవీఎస్ మీడియా సమావేశం లో తెలిపారు. అంతేకాదు ప్రముఖ దర్శకుడు రాఘవేంద్రరావు , అశ్వినీ దత్ ముఖ్య అతిధులుగా హాజరయ్యారు. ఈ ఈవెంట్ లో తారక రామారావును మీడియాకు పరిచయం చేశారు.
ఈ సందర్భంగా వైవీఎస్ మాట్లాడుతూ సీనియర్ ఎన్టీఆర్‌పై అభిమానంతోనే తాను ఇండస్ట్రీకి వచ్చానని, ఆయన ప్రోత్సాహం వల్లే తాను ఇప్పుడు ఈ స్థానంలో ఉన్నానని పేర్కొన్నారు. ఎన్టీఆర్ ఇప్పుడు మళ్లీ తన మునిమనవడి రూపంలో వచ్చారన్నారు. ఎన్టీఆర్ అనే పేరు మూడక్షరాల తారకమంత్రం అయితే, ఈ తారక రామారావుది ఆరడుగుల రూపం అని చెప్పారు. తాను ఇప్పటి వరకు పరిచయం చేసిన హీరోలను అభిమానులు ఆదరించారని, ఈ తారక రామారావును కూడా ఆదరిస్తారని ఆశిస్తున్నట్టు వైవీఎస్ పేర్కొన్నారు.
ఈ సంధర్భంగా జానకీరామ్ కొడుకు కోసం ట్విట్టర్ ఓ పోస్ట్ వేశారు జూనియర్ ఎన్టీఆర్. ఇండస్ట్రీలో తన ఎంట్రీ చాలా సక్సస్ ఫుల్ గా ఉండాలని ..తన అన్న జానకిరామ్ ..తండ్రి హరికృష్ణ గారి ఆశీస్సులు ఉంటాయని ట్వీట్ చేశారు ఎన్టీఆర్.
