. సిరాజ్ ఇన్‌స్టాగ్రామ్ ఖాతాలో హైఎండ్ లైఫ్‌స్టయిల్‌కు సంబంధించిన ఫొటోలు దర్శనమిస్తూ ఉంటాయి. నగరంలోని అతడి ఇల్లు కూడా చాలా విశాలంగా ఉంటుంది.
న్యూస్ లైన్, స్పెషల్ డెస్క్: హైదరాబాద్ కు చెందిన స్టార్ పేసర్ మహ్మద్ సిరాజ్ కాస్ట్లీ వాచ్ ఇప్పుడు స్మోర్ట్స్ వరల్డ్ లో ఫుల్ వైరల్ అవుతుంది. గ్రౌండ్ లో సిరాజ్ ఆట తర్వాత తన లగ్జరీ లైఫ్ స్టైల్ కోసం రకరకాల కబుర్లు ఇప్పుడు వైరల్ అవుతున్నాయి. సిరాజ్ ఇన్‌స్టాగ్రామ్ ఖాతాలో హైఎండ్ లైఫ్‌స్టయిల్‌కు సంబంధించిన ఫొటోలు దర్శనమిస్తూ ఉంటాయి. నగరంలోని అతడి ఇల్లు కూడా చాలా విశాలంగా ఉంటుంది.
తాజాగా సిరాజ్ షేర్ చేసిన ఫొటోలో అర్మానీ షర్ట్ , డెనిమ్ జీన్స్ ధరించి కనిపించాడు. ఈ పిక్ లో తన చేతికి ఉన్న వాచ్ పై అందరి కన్ను పడింది. ఆ వాచ్ ఖరీదు అక్షరాల 3 నుంచి 4 కోట్లు . బాలీవుడ్ నటుడు బిగ్ బాస్ షూట్ లో సేమ్ వాచ్ పెట్టుకొని కనిపించారు. సిరాజ్ దగ్గర ఇదొక్కటే కాదు.. హై ఎండ్ రోలెక్స్ వాచీలు మరెన్నో ఉన్నాయి. వీటిలో కోటి రూపాయల విలువైన రోలెక్స్ డేటోనా ప్లాటినమ్, రూ. 19.17 లక్షల విలువైన రోలెక్స్ జీఎంటీ మాస్టర్ వంటివి ఉన్నాయి. దీనిని బట్టి సిరాజ్ రోలెక్స్ ఫ్యాన్ అని అర్థమవుతుంది. అయితే ఇంత ఖరీధైన వాచ్ లపై ఫ్యాన్స్ భలే ఆశ్చర్యం వ్యక్తం చేస్తున్నారు.
కాగా, ఐపీఎల్‌లో 2018 నుంచి రాయల్ చాలెంజర్స్ బెంగళూరు (ఆర్సీబీ) జట్టుకు సిరాజ్ ప్రాతినిధ్యం వహిస్తున్నాడు. అయితే, ఐపీఎల్ మెగా వేలానికి ముందు ఆర్సీబీ అతడిని వదిలించుకుంది. కొన్ని సంవత్సరాలుగా జట్టులో కీలక ఆటగాడిగా ఉన్న సిరాజ్‌ను ఆర్సీబీ వదిలించుకోవడం అభిమానులను షాక్‌కు గురిచేసింది
