న్యూస్ లైన్, స్పెషల్ డెస్క్: ఇళ్లు....ఎన్నో కలలకు నెలవు...ఎన్నో కష్టాలు, సుఖాలు ...ఎన్నో వేల కలలు..ఎన్నో గెలుపులు ..మరెన్నో ఓటములు చూసే ఇళ్లు . ఎంతో కష్టపడి కట్టుకునే ఇళ్లు అందంగా అనుకున్న బడ్జెట్ లో కట్టే కాంట్రాక్టర్ దొరికితే ..అలాంటి వారికి ఓ రూపాయి ఎక్కువ ఇచ్చినా తప్పులేదు అనుకుంటాం కదా...ఇలానే ఓ వ్యక్తి తన డ్రీమ్ హోమ్ ను తన బడ్జెట్ లో కట్టి ఇచ్చినందుకు కాంట్రాక్టర్ కు ఏకంగా కోటి రూపాయిల గిఫ్ట్ ఇచ్చాడు.
జిరాక్‌పూర్ దగ్గరలోని తన ఇంటిని చూసిన బిజినెస్ మ్యాన్ గుర్దీప్ దేవ్ బాత్ ఎంతగానో ఫిదా అయ్యాడు.. ఆ బిల్డింగ్‌ కాంట్రాక్టర్ అయిన రాజిందర్ సింగ్ రూపా అంకిత భావానికి సలాం కొట్టాడు. తన నిజాయితీకి మెచ్చి 18-క్యారెట్స్ గోల్డ్ తో తయారు చేసిన రోలెక్స్ వాచ్‌ను బిల్డింగ్‌ కాంట్రాక్టర్ రాజిందర్ సింగ్ రూపాకు గిఫ్ట్ గా ఇచ్చాడు. ఆ ఇంటిని ఆధునిక హంగులతో చాలా అద్భుతంగా నిర్మించారు. జస్ట్ రెండేళ్లలో పంజాబ్ లోని షాకోట్ కు చెందిన రాజింద్ సింగ్ రూపా ముందుకు వచ్చాడు. ఏకంగా 200 మంది వర్కర్లతో పని చేయడం స్టార్ట్ చేశారు. ఎన్నో ఆధునిక సదుపాయాలతో ఈ ఎస్టేట్ ని ఏకంగా 9 ఎకరాల స్థలంలో నిర్మించారు.
ఇక కాంట్రాక్టర్ రూపా మాట్లాడుతూ..ఇంత పెద్ద ప్రాజెక్ట్‌లో పని చేయడం నిజంగా ఓ సవాలని అన్నారు. ఇలాంటి క్యాలిబర్ బంగ్లా నిర్మించడం అంత తేలికైన పని కాదని, ముఖ్యంగా రాజస్థానీ కోటలని గుర్తు చేసేలా నిర్మించడం చిన్న విషయం కాదని కాంట్రాక్టర్ రూపా అన్నారు. థాంక్యూ గిఫ్ట్ కి ఆశ్చర్యపోతున్నారు.
