న్యూస్ లైన్ డెస్క్ : నల్లగొండ జిల్లా దేవరకొండ గురుకుల హాస్టల్లో విద్యార్థులను ఎలుకలు కరిచిన ఘటన ఆలస్యంగా వెలుగులోకి వచ్చింది. రెండు రోజుల క్రితం దేవరకొండ లోని కొండభీమనపల్లి గురుకుల పాఠశాలలో ఈ ఘటన చోటు చేసుకుంది. నిద్రిస్తున్న విద్యార్థులను ఎలుకలు కరవడంతో 13 మందికి గాయాలయ్యాయి. ఉదయం గమనించిన సిబ్బంది విద్యార్థులను దవాఖానాకు తీసుకెళ్లారు. రెండు రోజుల క్రితం ఘటన జరిగినా గురుకుల పాఠశాల సిబ్బంది ఈ విషయం గోప్యంగా ఉంచారు. ఆలస్యంగా విద్యార్థుల తల్లిదండ్రులకు సమాచారం చేరడంతో వారు హాస్టల్ దగ్గరకు చేరుకొని సిబ్బందిపై ఆగ్రహం వ్యక్తం చేశారు.
.jpg){kind=tracking}
విషయం తెలుసుకున్న మాజీ మంత్రులు హరీశ్ రావు, జగదీష్ రెడ్డి, గంగుల కమలాకర్, ఎంపీ వద్దిరాజీ రవిచంద్ర, మాజీ ఎమ్మెల్యేలు హాస్టల్ ను సందర్శించారు. విద్యార్థులతో మాట్లాడి, సమస్యలను అడిగి తెలుసుకున్నారు. పిల్లలకు ఎలుకలు కరిస్తే ఆ విషయం వారి తల్లిదండ్రులకు తెలియకుండా ఎలా దాస్తారంటూ సిబ్బందిపై బీఆర్ఎస్ నేతలు ఆగ్రహం వ్యక్తం చేశారు.
