పూణేతో పాటు మరికొన్ని జిల్లాల్లో అరుదైన నరాల రుగ్మత అనుమానిత కేసుల సంఖ్య 130కి పెరిగిందని వైద్యాధికారులు తెలిపారు.
న్యూస్ లైన్ , స్పెషల్ డెస్క్ : మహారాష్ట్రలో గులియన్‌ బారే సిండ్రోమ్‌ (GBS) రోజురోజుకీ విజృంభిస్తోంది. రోజురోజుకీ రాష్ట్రంలో ఈ జీబీఎస్ కేసులు భారీగా పెరిగిపోతున్నాయి. ఈ అరుదైన నరాల వ్యాధి బారిన పడే వారు ఇప్పుడు దాదాపు 130 మందికి చేరినట్లు వైద్యాధికారులు తెలిపారు.పూణేతో పాటు మరికొన్ని జిల్లాల్లో అరుదైన నరాల రుగ్మత అనుమానిత కేసుల సంఖ్య 130కి పెరిగిందని వైద్యాధికారులు తెలిపారు.
వైరల్ ఇన్ఫెక్షన్‌, బ్యాక్టీరియా కారణంగా ఈ జీబీఎస్ వ్యాధి వ్యాపిస్తోంది. పూణేకు చెందిన 56 ఏళ్ల మహిళ, షోలాపూర్ జిల్లాకు చెందిన ఒక వ్యక్తి మొదట ఈ వ్యాధి బారినపడి మృతిచెందారు. కొత్త వ్యాధులు కూడా రెండు నమోదయ్యాయి. 74 మంది పీఎమ్‌సీ పరిధిలో కొత్తగా చేర్చిన గ్రామాల నుంచి 13 మంది పింప్రి-చించ్‌వాడ్ మున్సిపల్ కార్పొరేషన్ ప్రాంతాల నుంచి, తొమ్మిది మంది పూణే రూరల్ నుంచి, మరో తొమ్మిది మంది ఇతర జిల్లాల నుంచి ఉన్నారని అధికారులు తెలిపారు.
అవయవాలలో తీవ్రమైన బలహీనతతో సహా లక్షణాలతో అకస్మాత్తుగా తిమ్మిరి, కండరాల బలహీనతకు కారణమయ్యే అరుదైన పరిస్థితికి తగినంత మందులు సరఫరా చేయాలని అధికారులను మంత్రి పవార్ ఆదేశించారు. కలుషిత ఆహారం , కలుషిత నీరు కారణంగా ఈ వ్యాధి వస్తుంది.బలహీన రోగనిరోధక శక్తి కలిగిన వాళ్లు జీబీఎస్ బారినపడవచ్చునని వైద్యులు హెచ్చరిస్తున్నారు. శరీరంలో ఇన్ఫెక్షన్‌‌పై పోరాడాల్సిన రోగ నిరోధక వ్యవస్థ పొరపాటున శరీరంలోని నరాలపై దాడి చేసే అరుదైన పరిస్థితిని గులియన్‌ బారే సిండ్రోమ్‌ అని పిలుస్తారు.
