అన్ని రంగాల్లో వివిధ వర్గాల అభ్యున్నతి దిశగా దేశ పాలకుల కార్యాచరణ మరింత చిత్తశుద్ధితో అమలు చేయాలని అన్నారు. ఫలితాలు సాధించడం ద్వారా మాత్రమే స్వాతంత్య్ర పోరాటంలో త్యాగాలు చేసిన వారికి మనం అర్పించే ఘన నివాళి అని కేసీఆర్ అన్నారు.
న్యూస్ లైన్ డెస్క్: 78వ స్వాతంత్య్ర దినోత్సవం సందర్భంగా మాజీ సీఎం, BRS అధినేత కేసీఆర్ రాష్ట్ర ప్రజలకు శుభాకాంక్షలు తెలిపారు. ఎందరో మహనీయుల పోరాటాలు, మరెందరో బలిదానాల ఫలితంగా మనకు స్వాతంత్రం వచ్చిందని ఆయన గుర్తుచేశారు.
మహాత్మా గాంధీ నడిపించిన భారత స్వాతంత్య్ర పోరాట స్ఫూర్తితో శాంతియుత మార్గంలో సాధించుకున్న తెలంగాణ రాష్ట్రం, ప్రజల సహకారంతో పదేండ్ల అనతికాలంలోనే దేశానికి ఆదర్శంగా నిలిచిందని ఆయన అన్నారు.
అన్ని రంగాల్లో వివిధ వర్గాల అభ్యున్నతి దిశగా దేశ పాలకుల కార్యాచరణ మరింత చిత్తశుద్ధితో అమలు చేయాలని అన్నారు. ఫలితాలు సాధించడం ద్వారా మాత్రమే స్వాతంత్య్ర పోరాటంలో త్యాగాలు చేసిన వారికి మనం అర్పించే ఘన నివాళి అని కేసీఆర్ అన్నారు. స్వాతంత్య్ర ఫలితాలు చివరి గడప వరకు చేరిన నాడే దానికి సంపూర్ణ సార్థకత చేకూరుతుందని అన్నారు.
