తాజాగా ఆమె ఆస్పత్రి నుంచి డిశ్చార్జ్ అయ్యింది. పండంటి పాపతో ఇంటికి చేరుకుంది. ఈ క్రమంలోనే వారికి ఘన స్వాగతం లభించింది.
న్యూస్ లైన్, స్పెషల్ డెస్క్: జబర్ధస్త్ కపుల్ రాకింగ్ రాకేష్ - జోర్దార్ సుజాత రీసెంట్ గా అమానాన్నలయ్యారు. సుజాత పండంటి ఆడపిల్లకు జన్మనిచ్చింది. ఈ గుడ్ న్యూస్ ను సోషల్ మీడియా వేదికగా తన ఫ్యాన్స్ కు షేర్ చేసుకున్నారు. దీంతో బుల్లితెర నుంచి నెటిజన్లు అంతా ఈ కపుల్ కు కంగ్రాట్స్ చెప్తున్నారు.
తాజాగా ఆమె ఆస్పత్రి నుంచి డిశ్చార్జ్ అయ్యింది. పండంటి పాపతో ఇంటికి చేరుకుంది. ఈ క్రమంలోనే వారికి ఘన స్వాగతం లభించింది. సుజాత , రాకేష్ ఫ్యామిలీ తరుపు వారు ఇంటిని పూలతో అలంకరించి చిన్నారి పాపకు ఘనస్వాగతం పలికారు. ఈ వీడియోను సోషల్ మీడియాలో షేర్ చేసుకున్నారు రాకింగ్ రాకేష్- జోర్దార్ సుజాత. ‘మా ఇంటి మహాలక్ష్మి ఇంట్లో అడుగు పెట్టిన వేళ’ అంటూ షేర్ చేశారు.
జబర్దస్త్ కామెడీ షోతో మంచి గుర్తింపు తెచ్చుకున్న వారిలో రాకింగ్ రాకేష్, జోర్దార్ సుజాత ఒకరు. ప్రేమ వివాహాం చేసుకున్నారు . దీంతో రీల్ లైఫ్‌లో జంటగా నటించిన వీరిద్దరు నిజ జీవితంలోనూ జోడీగా మారారు. తర్వాత ఇరు పెద్దల అనుమతితో పెళ్లిపీటలెక్కారు. గతేడాది ఫిబ్రవరి 24న తిరుమల తిరుపతి శ్రీ వేంకటేశ్వర స్వామి సాక్షిగా రాకింగ్ రాకేష్- జోర్దార్ సుజాతల వివాహం జరిగింది. ఈ ఏడాదికి చిన్నారి చిట్టిపాపతో ఆనందంగా ఉన్నారని తెలిపారు.
