జూనియర్ ఎన్టీఆర్ హీరోగా చేస్తున్న దేవర సెప్టెంబర్ 27న మన ముందుకు రాబోతుంది. అంటే ఈ సినిమాకి మరో నాలుగు రోజుల సమయం మాత్రమే ఉంది. అయితే ఇలాంటి నేపథ్యంలో సెప్టెంబర్ 22న అనగా నిన్న రాత్రి దేవర ప్రీ రిలీజ్ ఈవెంట్ ని ఘనంగా
న్యూస్ లైన్ డెస్క్: జూనియర్ ఎన్టీఆర్ హీరోగా చేస్తున్న దేవర సెప్టెంబర్ 27న మన ముందుకు రాబోతుంది. అంటే ఈ సినిమాకి మరో నాలుగు రోజుల సమయం మాత్రమే ఉంది. అయితే ఇలాంటి నేపథ్యంలో సెప్టెంబర్ 22న అనగా నిన్న రాత్రి దేవర ప్రీ రిలీజ్ ఈవెంట్ ని ఘనంగా నోవాటెల్ హోటల్ లో జరుపుకోవడానికి సన్నద్ధం అయిపోయారు. ఇక ఈ ఈవెంట్ కు సంబంధించిన అన్ని రకాల కార్యక్రమాలు పూర్తి చేశారు చిత్ర యూనిట్.
కానీ సడన్గా ఈ ఈవెంట్ ఆగిపోయినట్టు చెప్పేసారు.దాంతో అక్కడికి వచ్చిన అభిమానులంతా షాక్ అయిపోయారు. అంతేకాదు అసహనంతో ఇంటికి వెళ్తూ అందరిని తిట్టుకున్నారు. అయితే దేవర ప్రీ రిలీజ్ ఆగిపోవడం వెనుక పరోక్ష కారణం రేవంత్ రెడ్డి అని తెలుస్తోంది. అయితే దేవర ప్రీ రిలీజ్ ఈవెంట్ కి రేవంత్ రెడ్డికి మధ్య ఉన్న సంబంధం ఏంటయ్యా అంటే..దేవర ప్రీ రిలీజ్ ఈవెంట్ కి 10,000 మందిని ఆహ్వానించారు. కానీ అక్కడ లెక్కకు మించి మరో 20000 మంది అంటే 30,000 మంది వచ్చేసారు.
ఇక పదివేల మందికి సంబంధించి ఎంతోమంది పోలీసులను ముందుగానే పెట్టారు. కానీ అదే సమయంలో రేవంత్ రెడ్డి కి సంబంధించిన ఓ పార్టీ కార్యక్రమం మాదాపూర్ లోని ట్రైడెంట్ హోటల్లో జరగడంతో దేవర ప్రీ రిలీజ్ ఈవెంట్ దగ్గర ఉండే కొంతమంది పోలీసులు అక్కడికి వెళ్లాల్సి వచ్చిందట. అలా ఎన్టీఆర్ అభిమానులు కూడా ఒకేసారి 30 వేల మంది రావడంతో వారిని కంట్రోల్ చేయడానికి పోలీసులు కూడా తక్కువయ్యారు.
అయితే సీఎం ప్రోగ్రాం ముగించుకొని పోలీసులు మళ్ళీ దేవర ప్రీ రిలీజ్ ఈవెంట్ జరిగే నోవాటెల్ హోటల్ కి వచ్చేలోపే ఎన్టీఆర్ అభిమానుల ఆగ్రహానికి కుర్చీలు, కట్టెలు విరిగిపోయాయి ఇక అలాంటి సమయంలో ఈవెంట్ ని క్యాన్సిల్ చేసుకోవడమే మంచిది అని చిత్ర యూనిట్ అనుకున్నారట.అలా ప్రీ రిలీజ్ ఈవెంట్ ఆగిపోయింది.అయితే ఈ ఈవెంట్ క్యాన్సిల్ అయినందుకు ఎన్టీఆర్ తో పాటు చిత్ర యూనిట్ ఎంతగానో బాధపడింది. ఈ విషయాన్ని ఎన్టీఆర్ కూడా చెప్పారు. అలా దేవర ఈవెంట్ క్యాన్సల్ అవ్వడానికి పరోక్ష కారణం రేవంత్ రెడ్డి కూడా అయ్యారు అంటూ చాలామంది ఎన్టీఆర్ అభిమానులు కామెంట్లు పెడుతున్నారు
