హాన్సిక సోదరుడు ప్రశాంత్ మోత్వానీని 2020 డిసెంబర్‌లో ముస్కాన్ జేమ్స్ అనే టీవీ నటి వివాహం చేసుకున్నారు. ఈ జంట 2022 డిసెంబర్‌లో విడిపోవాలని నిర్ణయించుకున్నారు.
న్యూస్ లైన్ , స్పెషల్ డెస్క్ : సినీ హీరోయిన్ హన్సిక మోత్వానీ ఆమె తల్లి జ్యోతి మోత్వానీ బాంబే హైకోర్టును ఆశ్రయించి తనపై నమోదైన గృహ హింస కేసును కొట్టివేయాలని కోరారు. వారిద్దరిపై హన్సిక సోదరుడి భార్య ముస్కాన్ జేమ్స్ ఐపీసీ సెక్షన్ 498 ఏ కింద కేసు పెట్టిన విషయం తెలిసిందే.
హాన్సిక సోదరుడు ప్రశాంత్ మోత్వానీని 2020 డిసెంబర్‌లో ముస్కాన్ జేమ్స్ అనే టీవీ నటి వివాహం చేసుకున్నారు. ఈ జంట 2022 డిసెంబర్‌లో విడిపోవాలని నిర్ణయించుకున్నారు. 2024 డిసెంబర్‌లో హన్సిక, జ్యోతి, ప్రశాంత్ మోత్వానీపై ముస్కాన్ ఫిర్యాదు చేశారు. 498 ఏ, 323, 504, 506 సెక్షన్ల కింద నేరారోపణలు చేశారు. హన్సిక , జ్యోతి కి ముంబై సెషన్స్ కోర్టు నుంచి ఈ ఏడాది ఫ్రిబ్రవరిలో ముందస్తు బెయిల్ వచ్చింది. ఇప్పుడు వారిద్దరు కలిసి తనపై నమోదైన ఎఫ్ ఐ ఆర్ ను కొట్టివేయాలని పిటిషన్ వేశారు.
తనపై ప్రతీకారం తీర్చుకునేందుకే తనపై ఎఫ్ఐఆర్ నమోదు చేయించారని హన్సిక అన్నారు. తన సోదరుడు, జేమ్స్ పెళ్లి కోసం తాను రూ.27 లక్షలు ఖర్చు చేశానని, తిరిగి ఇవ్వాలని అడిగినందుకు తనపై కేసు పెట్టారని చెప్పారు. తన అన్నయ్య పెళ్లి కోసం వెడ్డింగ్ ప్లానర్లకు ఆ డబ్బు ఇచ్చానని వివరించారు. ఇంతవరకు ఆ డబ్బును తన సోదరుడు గానీ జేమ్స్ కాని ఇవ్వలేదని తెలిపారు. తనపై చెడు ఉద్దేశాలతో కేసు పెట్టారని చెప్పారు. కుటుంబంలోని విభేదాల కారణంగా తనపై ఆరోపణలు ప్రారంభమయ్యాయని దీన్ని చాలా పెద్ద తప్పులా చూపించే ప్రయత్నం చేస్తున్నారు. సాధారణ భార్య భర్తల మధ్య గొడవను పెద్ద క్రిమినల్ కేసులా మార్చే ప్రయత్నం చేస్తున్నారని హాన్సిక తన పిటిషన్ లో తెలిపారు. లా ను ఇలా తప్పుగా వాడే వారిని క్షమించకూడదని తెలిపారు.
