సితార ఎంటర్‌టైన్‌మెంట్ పతాకంపై నాగవంశీ నిర్మిస్తున్న ఈ సినిమాకు ‘డాకు మహారాజ్’గా నామకరణం చేశారు. రీసెంట్ గా టీజర్ రిలీజ్ చేసింది మూవీ టీం.
న్యూస్ లైన్, స్పెషల్ డెస్క్ : బాలయ్య బాబు ..బాబీ దర్శకత్వంలో వస్తున్న సినిమా ‘ఎన్‌బీకే 109’ మూవీ టీజర్ వచ్చేసింది. సితార ఎంటర్‌టైన్‌మెంట్ పతాకంపై నాగవంశీ నిర్మిస్తున్న ఈ సినిమాకు ‘డాకు మహారాజ్’గా నామకరణం చేశారు. రీసెంట్ గా టీజర్ రిలీజ్ చేసింది మూవీ టీం.. ఫ్యామిలీ ఎంటర్‌టైనర్‌గా రాబోతున్న ఈ సినిమాలో పొలిటికల్ బ్యాక్‌డ్రాప్ నేపథ్యంలో సాగే ఫ్లాష్‌బ్యాక్ ఉంటుందని టీజర్‌ను బట్టి అర్థమవుతోంది. అయితే భగవంత్ కేసరి తర్వాత వస్తున్న సినిమా కావడంతో మంచి అంచనాలున్నాయి.
‘ఈ కథ వెలుగుని పంచే దేవుళ్లది కాదు. చీకటిని శాసించే రాక్షసులది కాదు. ఆ రాక్షసులను ఆడించే రావణుడిదీ కాదు. ఈ కథ రాజ్యం లేకుండా యుద్ధం చేసే ఒక రాజుది. గండ్ర గొడ్డలి పట్టిన యమజధర్మరాజుది. మరణాన్నే వణికించిన మహారాజుది’ అని చెప్పడంతో టీజర్ మొదలైంది. ‘గుర్తుపట్టావా.. డాకు మహారాజ్’ అని బాలయ్య చెప్పే డైలాగ్ ఫ్యాన్స్ మరింత వెయిట్ చేసేలా చేస్తుంది.
ఈ సినిమా లో బాలయ్య మూడు విభిన్న కోణాల్లో కనిపిస్తాడని టాలీవుడ్ వర్గాలు చెబుతున్నాయి. అయితే ముగ్గురు హీరోయిన్లు ప్లాన్ చేశారని కూడా అంటున్నారు సినీ వర్గాలు. ముగ్గురు హీరోయిన్లు ఉన్న ఈ మూవీలో ఊర్వశీ రౌతేలా కీలక పాత్రలో కనిపించబోతున్నట్టు సమాచారం. ఈ మూవీలో మలయాళ ఇండస్ట్రీకి చెందిన అగ్రనటుడు నటిస్తున్నట్టు తెలుస్తోంది. అయితే ఇంకెవరు మోహన్ లాల్ అని కూడా అంటున్నారు. సినిమా టీజర్ మాత్రం అద్దిరిపోయింది.
