ఓ అంధ గాయకుడైన రాజు పాడిన పాట సోషల్ మీడియాలో బాగా వైరల్ అయింది. ఆర్‌టీసీ ఎండీ సజ్జనార్‌ సైతం ఆ గాయకుడి టాలెంట్ కు ఫిదా అయ్యారు.
న్యూస్ లైన్, స్పెషల్ డెస్క్: రీసెంట్ గా ఓ అంధ గాయకుడైన రాజు పాడిన పాట సోషల్ మీడియాలో బాగా వైరల్ అయింది. ఆర్‌టీసీ ఎండీ సజ్జనార్‌ సైతం ఆ గాయకుడి టాలెంట్ కు ఫిదా అయ్యారు. చాలా మంది నెటిజన్లు తనకు మ్యూజిక్ డైరక్టర్స్ ఎవరైనా సాయం చెయ్యాలని కూడా కోరారు. అయితే రీసెంట్ గా ఆ విన్నపాన్ని తమన్ విన్నారు. ఆ అంధ గాయకుడి కి మంచి అవకాశం కల్పించారు.
ఆహాలో స్ట్రీమింగ్ కానున్న తెలుగు ఇండియన్ ఐడిల్ సీజన్ 4లో స్టేజ్ పై పాట పాడించే అవకాశాన్ని కల్పిస్తానని చెప్పాడు. అంతే కాకుండా రాజు తో కలిసి అతను కూడా స్టేజ్ మీద ఓ సాంగ్ పాడతానని హామీ ఇచ్చాడట తమన్. నిజానికి ఇండియన్ ఐడిల్ లో ఛాన్స్ అంత చిన్న అవకాశం కాదు..నిన్ను నువ్వు ప్రూవ్ చేసుకో బ్రో అంటూ కామెంట్లు పెడుతున్నారు నెటిజన్లు.
ప్రస్తుతం తమన్ రీసెంట్ గా పుష్ప 2 సెట్స్ లో జాయిన్ అయ్యాడు. ఇది కాకుండా ఆల్రెడీ బాలయ్య అఖండ 2 మూవీకి కూడా తమన్ వర్క్ చేస్తున్నాడు. ఇక గేమ్ ఛేంజర్ మూవీకి సైతం తమన్ సంగీతం అందించడం జరిగింది. పెద్ద పెద్ద ప్రాజెక్ట్స్ చేస్తున్న ..ఇలా చిన్నా చితకా టాలెంట్ ఉన్నవారిని కూడా ఎంకరేజ్ చెయ్యడం తమన్ గొప్పతనమని చెబుతున్నారు.
