ప్రియాంకా.స్టేజ్ పైకి ఎక్కిన ప్రియాంక అభిమానులకు అభివందనం చేస్తున్న సమయంలో వేదిక ఒక్కసారే కుప్పకూలిపోయింది.
న్యూస్ లైన్, స్పెషల్ డెస్క్: ప్రియాంక మోహన్ ..సరిపోదా శనివారం సినిమా హీరోయిన్ ప్రియాంక మోహన్ కు పెను ప్రమాదం తప్పింది. కాస్త అలర్ట్ కాకపోయింటే ..ప్రాణాలు దక్కేవి కాదు . ఇంతకీ ఏం జరిగిందంటే .. మహబూబాబాద్ జిల్లా తొర్రూర్ పట్టణ కేంద్రంలో కాసం షాపింగ్ మాల్ ఓపెనింగ్ కు ముఖ్య అతిధిగా విచ్చేశారు ప్రియాంకా.స్టేజ్ పైకి ఎక్కిన ప్రియాంక అభిమానులకు అభివందనం చేస్తున్న సమయంలో వేదిక ఒక్కసారే కుప్పకూలిపోయింది. పరిమితికి మించి జనాలు స్టేజ్ మీద ఉండడం వల్లే ఈ ప్రమాదం జరిగిందంటున్నారు స్థానికులు. ఈ ప్రమాదంలో యశస్విని అత్తమ్మ.. పాలకుర్తి నియోజక వర్గ కాంగ్రెస్ పార్టీ ఇంచార్జ్ ఝాన్సిరెడ్డి కాలు విరిగింది. మెరుగైన వైద్యం కోసం ఆమెను హైదరాబాద్ కి తరలించారు. ప్రియాంకా మోహన్ మాత్రం ఎలాంటి ప్రమాదం లేకుండా బయటపడింది.
ప్రస్తుతం ఈ ప్రమాదానికి సంబంధించిన ఓ వీడియో సోషల్ మీడియాలో వైరల్ అవుతుంది. ఏది ఏమైనా ప్రియాంక మోహన్ ప్రమాదం నుంచి సురక్షితంగా బయటపడటంతో అభిమానులు ఊపిరి పీల్చుకున్నారు. నాని హీరోగా నటించిన ‘గ్యాంగ్ లీడర్’ మూవీతో తెలుగు ప్రేక్షకులను పలకరించింది ప్రియాంక మోహన్. ఆ తర్వాత తమిళ హీరో శివకార్తికేయన్ నటించిన మూవీ ‘వరుణ్ డాక్టర్’లో నటించింది. వరుణ్ డాక్టర్ సినిమాతో అమ్మడు తెలుగులో అందరికి పరిచయం అయ్యింది. గ్యాంగ్ లీడర్ , సరిపోదా శనివారం మూవీలతో తెలుగు ప్రేక్షకులకు మరింత దగ్గరయ్యింది. ప్రస్తుతానికి ప్రమాదం నుంచి తప్పించుకొని బాగానే ఉన్నట్లు తన టీం తెలిపింది.
