కెనడా నుంచి టెక్సస్ వైపు గంటకు 130 కి.మీ. వేగంతో గాలులు వీచే అవకాశం ఉందని, ప్రజలు జాగ్రత్తగా ఉండాలని వాతావరణ శాఖ హెచ్చరించింది.
న్యూస్ లైన్ , స్పెషల్ డెస్క్ : అగ్రరాజ్యం అమెరికాను టోర్నడీలు వణికిస్తున్నాయి. చాలా రాష్ట్రాల్లో పెనుగాలులు విధ్వంసం సృష్టించాయి. వంద కిలోమీటర్ల వేగంతో వీస్తున్న గాలులకు ఇళ్లు , చెట్లు ఎగిరిపోతున్నాయి. రోడ్డు పై వెళ్తున్న వాహనాలు కూడా గాలి భీభత్సానికి బోల్తాపడుతున్నాయి. రోడ్లు ధ్వంసమయ్యాయి. చాలా రాష్ట్రాల్లో ఇప్పటి వరకు 34 మందికి పైగా చనిపోయారు. ఇంకా అధికారికంగా చాలా మంది గాయాలపాలయ్యారు. కెనడా నుంచి టెక్సస్ వైపు గంటకు 130 కి.మీ. వేగంతో గాలులు వీచే అవకాశం ఉందని, ప్రజలు జాగ్రత్తగా ఉండాలని వాతావరణ శాఖ హెచ్చరించింది.
టోర్నడీల ధాటికి మిస్సోరీలో 12 మంది ఆర్కన్సాస్ లో ముగ్గురు , కాన్సాస్ లో 8 మంది మిస్సిస్సిప్పీలో ఆరుగురు , టెక్సస్ లో నలుగురు మరణించినట్లు అధికారులు తెలిపారు. ఆర్కన్సాస్ లో 29 మందికి పైగా గాయపడ్డారు. కార్చిచ్చు లు చెలరేగడంతో ఓక్లహోమా, మిస్సోరీ , న్యూ మెక్సికో , టెక్సస్ కాన్సస్ లలో ఆయా ప్రాంతాల నుంచి జనాలను అధికారులు సురక్షిత ప్రాంతాలకు తరలిస్తున్నారు. మిన్నెసొటా, సౌత్‌ డకోటాలోని పలు ప్రాంతాలకు మంచు తుఫాన్ ముప్పు ఉందని అధికారులు హెచ్చరించారు.
#BREAKING #USA #MISSISSIPPI #MS
Tags : newslinetelugu rains america usa elder-people died
