01-01-2023 నుంచి 30-05-2025 వరకు జరిగిన క్రీడలు, ఛాంపియన్‌షిప్‌లలో పాల్గొన్న వారు అప్లై చేసుకోవచ్చు.
న్యూస్ లైన్ , స్పెషల్ డెస్క్ : సెంట్రల్ ఇండస్ట్రియల్ సెక్యూరిటీ ఫోర్స్ స్పోర్ట్స్ కోటాలో 30 హెడ్ కానిస్టేబబుల్ పోస్టులను ప్రకటించింది. అయితే ఇది కేవలం ఆడవారికి మత్రమే . అంతే కాదు స్పోర్ట్స్ సర్టిఫికేట్ ఉన్నావారికి మాత్రమే ఈ ఉద్యోగం. ప్రస్తుతానికి ఈ పోస్టులను తాత్కాలిక ప్రాతిపదికన భర్తీ చేసినప్పటికీ , శాశ్వత విధుల్లోకి తీసుకునే అవకాశం ఉంది.
అయితే ఇంటర్ పాసై రాష్ట్ర , జాతీయ , అంతర్జాతీయ హాకీ పోటీలకు ప్రాతినిధ్యం వహించాలి.01-01-2023 నుంచి 30-05-2025 వరకు జరిగిన క్రీడలు, ఛాంపియన్‌షిప్‌లలో పాల్గొన్న వారు అప్లై చేసుకోవచ్చు. యువ జన క్రీడల మంత్రిత్వశాఖ , ఒలంపిక్ అసోసియేషన్ , అసోసియేషన్ ఆఫ్ ఇండియన్ యూనివర్సిటీస్ ఇంటర్ యూనివర్సిటీ స్పోర్ట్స్ బోర్డ్ , ఆల్ ఇండియా స్కూల్ గేమ్స్ ఫెడరేషన్ నిర్వహించిన పోటీలను మాత్రమే పరిగణనలోకి తీసుకుంటారు. అయితే సర్టిఫికెట్ తో పాటుగా రాష్ట్ర, జాతీయ , అంతర్జాతీయ పోటీల్లో పాల్గొన్నపుడు సంబంధిత అధికారులు జారీ చేసిన సర్టిఫికేట్ ను కూడా జత చెయ్యాల్సిందే.
వయసు : 01.08.2025 నాటికి 18 నుంచి 23 సంవత్సరాల మధ్య ఉండాలి. ఎస్సీ/ఎస్టీలకు ఐదేళ్లు, ఓబీసీలకు మూడేళ్ల సడలింపు ఉంటుంది. డిపార్ట్‌మెంటల్‌ జనరల్‌ అభ్యర్థులకు గరిష్ఠ వయసు 40 ఏళ్లు, ఎస్సీ, ఎస్టీలకు 45 సంవత్సరాలు. జీతం పాతిక వేల నుంచి 80 వేల వరకు రావచ్చు. అయితే ఎంపిక విధానం రెండు దశల్లో జరుగుతుంది. మొదటి దశల్లో ట్రయల్ టెస్ట్ , ఫ్రొఫిషియన్సీ టెస్ట్ , ఫిజికల్ స్టాండర్ట్స్ టెస్ట్, ధ్రువపత్రాల పరిశీలన ఉంటుంది.
బయో మెట్రిక్‌ రిజిస్ట్రేషన్‌ తరువాత ట్రయల్/ ఫిజికల్ స్టాండర్డ్, ప్రొఫిషియన్సీ టెస్ట్, ధ్రువపత్రాల పరిశీలనకు అంగీకారాన్ని లిఖితపూర్వకంగా తెలియజేయాలి.ఆ తరువాత హాకీలో ట్రయల్ టెస్ట్‌ను ఇరవై మార్కులకు నిర్వహిస్తారు. దీంట్లో పది కనీసార్హత మార్కులు సాధించాలి. దీనిలో అర్హత సాధించిన వారిని ప్రొఫిషియెన్సీ టెస్టుకు ఎంపిక చేస్తారు. దీనిలో నలభై మార్కులు కాని ఎలిజిబులిటీ మార్కులు ఇరవై వస్తే చాలు. ఇవి సాధించిన వరిని ఫిజికల్ టెస్ట్ , ధ్రువ పత్రాల పరిశీలనకు ఎంపిక చేస్తారు. హైట్ 153 సెం.మీ ఉండాలి.
చివరిగా వైద్య పరీక్షలు నిర్వహించి కేటగిరీలవారీగా తుది ఎంపిక చేస్తారు.ముందుగా వారు ఇచ్చిన సర్టిఫికేట్ లిస్ట్ ఉన్నవారికి మాత్రమే పరీక్షకు అప్లై చెయ్యాలి. ప్రస్తుతం వాడుకలో ఉన్న ఈమెయిల్ ఐడీ, ఫోన్ నంబర్లను మాత్రమే దరఖాస్తులో రాయాలి. అర్హులైన అభ్యర్థులకు ప్రొఫిషియన్సీ టెస్ట్, ట్రయల్‌టెస్ట్‌, పీఎస్‌టీ, ధ్రువపత్రాల పరిశీలనకు అడ్మిట్‌ కార్డులను జారీ చేస్తారు. వీటిని అధికారిక వెబ్‌సైట్‌ నుంచి డౌన్‌లోడ్‌ చేసుకోవాలి. పోస్టు ద్వారా పంపరు.
