ఓ గుమ్మడి పండును రెండుగా కోసి ఒకదానిపై ట్రంప్ పేరును, మరో దానిపై కమల పేరును రాశారు. రెండింటినీ వివిధ పళ్లతో అలంకరించి మూ డెంగ్ ఉండే చోటుకు దగ్గర్లో పెట్టారు.
న్యూస్ లైన్, స్పెషల్ డెస్క్: అమెరికా అధ్యక్షుడు ఎన్నికల్లో విజేతగా నిలిచేది ట్రంప్ అని జోస్యం చెప్పింది థాయ్ లాండ్ కు చెందిన హిప్పో పోటమస్. కమల, ట్రంప్ లలో కాబోయే అధ్యక్షుడు ఎవరంటూ జూ నిర్వాహకులు పెట్టిన ఓ పరీక్షలో ట్రంప్ ను హిప్పో ఎంపిక చేసింది. థాయ్ లాండ్ జూలోని ఈ హిప్పో పేరు మూ డెంగ్ ..సోషల్ మీడియాలో ఓ రేంజ్ ఫ్యాన్ ఫాలోయింగ్ ఉంది.
ఓ గుమ్మడి పండును రెండుగా కోసి ఒకదానిపై ట్రంప్ పేరును, మరో దానిపై కమల పేరును రాశారు. రెండింటినీ వివిధ పళ్లతో అలంకరించి మూ డెంగ్ ఉండే చోటుకు దగ్గర్లో పెట్టారు. కాసేపటికి అక్కడికి వచ్చిన హిప్పో.. రెండింటినీ చూసి ట్రంప్ పేరున్న గుమ్మడిపండును ఆరగించింది. ఈ వీడియో ఫుల్ వైరల్ అవుతుంది.
ఈసారి జరుగుతున్న ఎన్నికల్లో కమల, ట్రంప్ ల మధ్య హోరాహోరీ పోరు తప్పదని రాజకీయ విశ్లేషకులు అభిప్రాయపడుతున్నారు. ఇప్పటికే వెల్లడించిన పలు సర్వేలు కొన్నింట్లో ట్రంప్, మరికొన్నింట్లో కమల లీడ్ లో ఉన్నట్లు వెల్లడైంది. లీడ్ లో ఎవరు ఉన్నా కూడా ఇద్దరి మధ్య తేడా చాలా స్వల్పంగా ఉండడం విశేషం. హిప్పో జోస్యం చూస్తే ట్రంప్ ఇక ఎగిరిగంతులు వేస్తాడేమో అంటున్నారంతా.
Moo Deng, famous baby hippo, predicts Donald Trump will win the election. pic.twitter.com/UqUnRhU0Nr — The Rabbit Hole (@TheRabbitHole84) November 4, 2024
