గత జూన్ లో ISS కు వెళ్లినా సునీతా వచ్చే ఏడాది మార్చి లేదా ఏప్రిల్ లో తిరిగి భూమి మీదికి రాబోతున్నారు.
న్యూస్ లైన్, స్పెషల్ డెస్క్: అంతరిక్షంలో సునీతా విలియమ్స్ క్రిస్మస్ వేడుకలు జరుపుకున్నారు. సునీతా విలియమ్స్ తో పాటు అంతరిక్షంలో నివసిస్తున్న ముగ్గురు వ్యోమగాములు ఈ వేడుకల్లో పాల్గొన్నారు. ఈ వీడియోను తన ఎక్స్ ఖాతాలో పోస్ట్ చేసింది. గత జూన్ లో ISS కు వెళ్లినా సునీతా వచ్చే ఏడాది మార్చి లేదా ఏప్రిల్ లో తిరిగి భూమి మీదికి రాబోతున్నారు.
NASA వ్యోమగామి సునీతా విలియమ్స్ చాలా నెలలుగా అంతర్జాతీయ అంతరిక్ష కేంద్రం (ISS)లో ఉన్నారు. ఆమె ఈ సంవత్సరం క్రిస్మస్‌ను అక్కడే జరుపుకుంటున్నారు. సునీతా విలియమ్స్‌తోపాటు అంతరిక్షంలో నివసిస్తున్న ముగ్గురు వ్యోమగాములు – డాన్ పెటిట్, నిక్ హేగ్, బుచ్ విల్మోర్ ఈ వేడుకల్లో పాల్గొన్నారు. అలాగే అంతరిక్షంలోనే క్రిస్మస్ వేడుకలు జరుపుకునేందుకు ప్రత్యేక సన్నాహాలు చేసింది నాసా.
వాస్తవానికి జూన్ 14వ తేదీనే వీరిద్దరూ భూమికి తిరిగి రావాల్సి ఉంది. అయితే, వ్యోమనౌకలో సాంకేతిక సమస్యలు ఎదురై వారు అంతరిక్షంలోనే చిక్కుకుపోయారు. అయితే అక్కడ వ్యోమగాముల ఆరోగ్యంపై చాలా అనుమానాలున్నాయి. అయితే నాసా వీటన్నింటికి ఎప్పటికప్పుడు సమాధానం చెప్తూనే ఉంది. తాజాగా సునీతా విలియమ్స్, మిగతా వారు స్పేస్‌లో క్రిస్మస్ సంబరాలను జరుపుకుంటున్న వీడియోను తన ఎక్స్ ప్లాట్ ఫామ్‌లో పోస్ట్ చేసింది నాసా. ఇందులో సునీతా మాట్లాడారు.తామందరం బాగానే ఉన్నామని.. క్రిస్మస్ వేడుకలు చేసుకుంటున్నామని, భూమి మీద ఉన్నవారందరికీ క్రిస్మస్ శుభాకాంక్షలు చెప్పారు.
To everyone on Earth, Merry Christmas from our @NASA_Astronauts aboard the International @Space_Station. pic.twitter.com/GoOZjXJYLP — NASA (@NASA) December 23, 2024
