టీజ‌ర్‌లో మనోజ్, రోహిత్, శ్రీనివాస్ ముగ్గురి హైవోల్టేజీ యాక్షన్ సీన్స్‌తో అద‌ర‌గొట్టారు.
న్యూస్ లైన్ , స్పెషల్ డెస్క్: టాలీవుడ్ యంగ్ హీరోస్ మంచు మనోజ్, బెల్లం కొండ సాయి శ్రీనివాస్ , నారా రోహిత్ కీ రోల్ లో చేస్తున్న సినిమా భైరవం. విజయ్ కనకమేడల డైరక్షన్ లో ఈ భైరవం సినిమా టీజర్ ను మేకర్స్ రిలీజ్ చేశారు. టీజ‌ర్‌లో మనోజ్, రోహిత్, శ్రీనివాస్ ముగ్గురి హైవోల్టేజీ యాక్షన్ సీన్స్‌తో అద‌ర‌గొట్టారు.
వారాహి గుడి, ఒక ఊరు నేపథ్యంలో యాక్షన్, ఫ్యామిలీ ఎంటర్టైనర్‌గా ఈ సినిమా ఉండబోతుందని టీజర్ చూస్తుంటే అర్థ‌మ‌వుతోంది. అయితే ఈ ముగ్గురు హీరోలు ప్రస్తుతం హిట్టు కోసం ఎదురుచూస్తున్నారు. ఇలాంటి టైంలో మల్టీ స్టారర్ వీరి ముగ్గురికి హెల్ప్ అవుతుందంటున్నారు ఇండస్ట్రీ వర్గాలు.
ఈ ముగ్గురు హీరోల ప‌క్క‌న దివ్య పిళ్ళై, అదితి శంకర్, ఆనంది క‌థానాయిక‌లుగా న‌టించారు. అలాగే జయసుధ, ప్రియమ‌ణి కీలక పాత్రలో క‌నిపించ‌నున్నారు. శ్రీ సత్యసాయి ఆర్ట్స్ బ్యానర్‌పై కేకే రాధామోహన్ నిర్మించిన ఈ చిత్రానికి శ్రీ చరణ్ పాకాల సంగీతం అందించారు. మనోజ్ మిరాయ్ సినిమాలో కూడా కీ రోల్ చేస్తున్నారు.
