కుమార్తె పెటోంగ్టార్న్ షినవ్రత వయసు కేవలం 38 సంవత్సరాలే. తాజాగా, ఆమె ఆస్తులకు సంబంధించిన ఆసక్తికర వివరాలు వెల్లడయ్యాయి. ఇఫ్పుడు సోషల్ మీడియాలో తన ఆస్తుల విషయాలు ఫుల్ వైరల్ అవుతున్నాయి.
న్యూస్ లైన్ , స్పెషల్ డెస్క్: థాయ్ లాండ్ ప్రధాని గా పెటోంగ్టార్న్ షినవ్రత లాస్ట్ ఇయర్ ఆగస్టులో బాధ్యతలు చేపట్టారు. ఆమె తన మేనత్త ఇంగ్లక్ షినవ్రత తర్వాత థాయ్ లాండ్ కు ప్రధానిగా బాధ్యతలు స్వీకరించారు. తన ఫ్యామిలీ అంతా పొలిటికల్ బ్యాక్ డ్రాప్ లోనే ఉన్నారు. టెలికాం రంగ వ్యాపార దిగ్గజం అయిన తక్సిన్ షినవ్రత థాయ్ లాండ్ లోని టాప్-10 బిలియనీర్లలో ఒకరు. ఆయన చిన్న కుమార్తె పెటోంగ్టార్న్ షినవ్రత వయసు కేవలం 38 సంవత్సరాలే. తాజాగా, ఆమె ఆస్తులకు సంబంధించిన ఆసక్తికర వివరాలు వెల్లడయ్యాయి. ఇఫ్పుడు సోషల్ మీడియాలో తన ఆస్తుల విషయాలు ఫుల్ వైరల్ అవుతున్నాయి.
ప్రధాని పెటోంగ్టార్న్ షినవ్రత తన ఆస్తుల విలువ రూ.3,430 కోట్లకు పైనే అని ప్రకటించారు. కొంతమేర అప్పులు కూడా ఉన్నాయట. చాలా బిజినెస్ లు ఉన్నాయి. వాటి పెట్టుబడుల్లో చిన్నా ...చితకా అప్పులు కూడా ఉన్నాయట. జపాన్, బ్రిటన్ లోనూ ఈ మహిళా ప్రధానికి ఆస్తులు ఉన్నాయి.
ఇక, పెటోంగ్టార్న్ షినవ్రత ఫ్యాషన్ రంగంలో ఎక్కువ పెట్టుబడులు పెడుతుంటారట. అంతేకాదు తన దగ్గర చాలా ఖరీదైన 200 డిజైనర్ బ్యాగులు, 75 లగ్జరీ వాచ్ లు, 67 నెక్లెస్ లు, 205 జతల చెవి కమ్మలు, 108 ఉంగరాలు, 6 బ్రేస్ లెట్లు, 167 ఫ్యాషన్ దుస్తులు ఉన్నాయట. వీటి విలువే దాదాపు వందల కోట్లు. ఈ మేరకు తన ఆస్తుల వివరాలను ప్రధాని పెటోంగ్టార్న్ షినవ్రత జాతీయ అవినీతి వ్యతిరేక కమిషన్ కు సమర్పించారు.
