ఆమె తాలుకా ఫొటోలు , వీడియోలు ఫుల్ వైరల్ అవుతుంది. వ్యాపారం పోయింది ..దీంతో ఆమె తండ్రి మోనాలిసాను ఇంటికి పంపించేశారు.
న్యూస్ లైన్ , స్పెషల్ డెస్క్: ప్రయాగ్ రాజ్ లో జరుగుతున్న మహాకుంభమేళా లో మోనాలిసా భోస్లో ప్రత్యేక ఆకర్షణగా నిలిచిన విషయం తెలిసిందే. దాంతో పూసలమ్ముకునే 16 ఏళ్ల అమ్మాయి రాత్రికి రాత్రే ఇంటర్నెట్ సెన్సేషన్ గా మారిపోయింది. ఆమె అందానికి ఫిదా అయిన వారు మోనాలిసాతో ఫొటోలు , వీడియోల కోసం ఎగబడ్డారు. చివరికి ఆమెను అక్కడే ఉండేందుకు కూడా వీలు కూడా లేదు. ఆమె తాలుకా ఫొటోలు , వీడియోలు ఫుల్ వైరల్ అవుతుంది. వ్యాపారం పోయింది ..దీంతో ఆమె తండ్రి మోనాలిసాను ఇంటికి పంపించేశారు.
తనకు కుంభమేళా అదృష్టం తెచ్చిపెట్టింది. ఏకంగా బాలీవుడ్‌ చిత్రంలో నటించే ఆఫర్ కొట్టేసింది మోనాలిసా. ఆమె తన తొలి చిత్రానికి సంతకం కూడా చేసేసింది. దర్శకుడు సనోజ్ మిశ్రా రీసెంట్ గా తను ప్రకటించినట్లుగా తన చిత్రంలో ఆమెకు అవకాశం ఇచ్చారు. ది డైరీ ఆఫ్ మణిపూర్ పేరుతో సినిమా తీస్తున్నారు. మోనాలిసా కు ఛాన్స్ ఇవ్వడం జరిగింది.
తాజాగా సనోజ్ మిశ్రా స్వయంగా మోనాలిసా ఉండే మధ్యప్రదేశ్‌లోని ఇండోర్‌కు వెళ్లారు. వారి ఇంట్లో వారితో చర్చించారు. తాను ఆఫర్ చేసిన చిత్రంలో నటించేందుకు ఆమె నుంచి అంగీకార పత్రంలో సంతకం తీసుకున్నారు. ఈ మూవీ మేకింగ్ కు ముంబయిలో మోనాలిసాకు యాక్టింగ్ నేర్పించనున్నారు. ఈ చిత్రంలో రాజ్‌కుమార్‌ రావు సోదరుడు అమిత్‌ రావు నటిస్తున్నట్లు స‌మాచారం.
