ఈ షూ వేసుకొని ఎవరైనా మహిళ ఇబ్బందుల్లో ఉండి తన పై దాడి చేస్తున్న వారిని షూతో టచ్ చేస్తే కరెంట్ షాక్ కొడుతుంది.
న్యూస్ లైన్ , స్పెషల్ డెస్క్: ఇప్పుడు లేడీస్ సేఫ్టీ చాలా ముఖ్యం. దీని కోసం మహిళల సెక్యూరిటీ లో భాగంగా ..పవర్ఫుల్ షూస్ రెడీ అయ్యాయి. మహిళలను వేధిస్తే చాలు వారికి కరెంట్ షాక్ ఇచ్చేలా తయారు చేశాడు రాజస్థాన్కు చెందిన పాలిటెక్నిక్ విద్యార్థి. ఇంతకీ ఈ షూ ఏంటంటే ..అల్వార్ జిల్లాలోని లిలీ గ్రామానికి చెందిన పాలిటెక్నిక్ కళాశాలో మూడో సంవత్సరం చదువుతున్న విద్యార్థే వివేక్ చౌధరి. దాదాపు 2 నెలల పాటు శ్రమించి రూ.3,500 ఖర్చుతో ఈ స్పెషల్ ఈ షూస్ను తయారు చేశాడు. ఈ షూ వేసుకొని ఎవరైనా మహిళ ఇబ్బందుల్లో ఉండి తన పై దాడి చేస్తున్న వారిని షూతో టచ్ చేస్తే కరెంట్ షాక్ కొడుతుంది.
అయితే ఈ బూట్లు ఎలా పనిచేస్తాయంటే...మహిళ ఏదైనా ఇబ్బందుల్లో ఉన్నప్పుడు బూట్ల వెనుక భాగాన్ని (మడమను) బలంగా నేల వైపు‌నకు నెట్టాలి. ఆ వెంటనే స్పెషల్ షూస్లో ఉన్న ఒక పరికరం యాక్టివేట్ అయిపోతుంది. వ్యక్తికి కరెంటు షాకులు తగలడం మొదలవుతుంది. షూస్లో ఉండే ఆ ప్రత్యేక పరికరాన్ని ఒకసారి ఫుల్‌గా ఛార్జ్ చేస్తే వరుసపెట్టి 1000 షాకులు ఇవ్వగలదు.
ఈ షూస్లో జీపీఎస్, లొకేషన్ ట్రాకర్ సైతం ఉన్నాయి. వేధింపులను/దాడిని ఎదుర్కొంటున్న బాధిత మహిళ లొకేషన్ వివరాలు ఆమెకు సంబంధించిన ముగ్గురు కుటుంబీకుల ఫోన్ నంబర్లకు చేరుతాయి. మీరు ఈ షూ వాడిన వెంటనే మీ వారికి మీ లొకేషన్ సేవ్ అవుతుంది. వనితల భద్రత కోసం తనవంతుగా ఏదైనా చేయాలని వివేక్ సంకల్పించాడు. తన సంకల్పం గురించి డైరీలో రాసుకున్నాడు. కుటుంబ సభ్యులకు కూడా చెప్పకుండా ఒంటరిగానే షూస్ తయారీ చేసినట్లు పేర్కొన్నాడు.
